Namangan muhandislik-qurilish instituti kimyoviy texnologiya

IV. KEYSLAR BANKI
Yechimini kutayotgan muammo
(muammoli vaziyat)
Inson hayoti, uning sog’ligi, ishga qobilyatliligi atrofimizdagi tabiatning xolatiga bog’liq bo’lib, ko’p asrlardan beri atrof-muhitning insonga noo’rin ta’sir etish omili- tabiiy ofatlar (er qimirlashi, o’rmon yong’inlari, suv toshqinlari) yoki epidemiyalar bilan bog’liq bo’lib kelgan.

Fan-texnika rivojlanishi bilan bog’liq bo’lgan kimyoviy ishlab chiqarishning o’sishi atrof-muhitga zararli ta’sir ko’rsatdi. Jumladan, ichimlik suvlari zaxarlandi va ifloslandi, Dunyo Okeani, yer atmosferasi ifloslandi, yerning yashil maysa qatlami buzildi, yer osti boyliklari bo’shab qoldi, yerning unumdor qismi yo’q qilindi. Natijada dunyo o’zining mohiyati bilan energetik va iqtisodiy krizisga teng bo’lgan ekologik krizisga uchradi.

Birinchi marta havoni ifloslanishi natijasida ommaviy kasallanish 1930 yilda Belьgiyada qayd etildi, 1952 yilda esa Londonda ushbu kasallik tufayli 4000 kishi vafot etdi. Atmosfera havosida tumanlar, uglevodorodlarning fotokimyoviy reaktsiyasi mahsulotlari, azot va ozon okidlari bo’lishi nafas olish organlarida kasallik paydo qiladi. Bu o’rinda Yevropa mamlakatlari va AQSH da surunkali bronxit kasalligidan o’lim xar o’n yilda ikki martaga ortayotganligini aytib o’tish lozim. Xalqaro sog’liqni saqlash tashkilotining ma’lumotiga ko’ra har to’rtta rak kasalligining uchtasi atrof-muhitning ifloslanishi bilan bog’liq ekan.

Biroq ifloslanishning eng katta xavfi shundaki, atrof-muhitdagi kimyoviy mutagenlarning ortishi natijasida inson organizmida noqulay mutatsiyalarning hosil bo’lishi mumkinligidadir.Buning natijasida aqliy va jismoniy taraqqiy etmagan chaqaloqlar tug’ilishi kupayadi yoki yangi oilada chaqaloq tug’ilmaydi va tug’ilgan taqdirda ham ginetik jihatdan og’ir kasallangan bo’ladi.

Atrof- muhitni ifloslanish jarayonining bunchalik tez taraqqiy etishining sababi nimada deb o’ylaysiz? Mavjud muammoni qay tarzda yechimi topiladi? Sizning taklifingiz.