Namangan muhandislik-pedagogika instituti yer usti transport tizimlari kafedrasi kasb-hunar kollejlari uchun

Metchik  bilan  rezьba  kesish.  Detal  teshigini  chizmaga  qarab  rejalashtiriladi,  so’ngra 

ma’lumotnoma  jadvallariga  ko’ra  tanlangan  parma  bilan  rezьba  kesiladigan  teshik 

parmalanadi.  60  yoki  120



li  zenkovkada  teshikni  1-1,5  mm  uzunlikda  zenkovkalanadi. 

Metchikni  tanlab  tekshirib  ko’rilgandan  keyin  zagotovkani  gira  jag’lari  orasiga  qisib 

mahkamlanadi.  Avval  berilgan  formulalar  yordamida  tegishli  parmadasta  tanlanadi.  Uning 

dastasidan  ushlab  metchikni  soat  mili  harakati  yo’nalishida  aylantirib,  rezьbani  kesish  va 

qirindini maydalash uchun vaqti-vaqti bilan chorak, yarim aylanishda teskarisiga aylantiriladi. 

Metchikni tez-tez teshikdan chiqarib, qirindidan tozalab turiladi. 

 

Yopiq  teshiklarda  rezьba  kesishda  parmalash  chuqurligi  rezьba  uzunligidan  6R  qadar 

ortiq  olinishi  kerak.  Metchik  teshik  tubiga  taqalishi  bilan  uni  aylantirishni  darhol  to’xtatiladi. 

Kesilgan rezьba kalibr-tiqin yoki bolt bilan nazorat qilinadi, agar kalibrning yoki boltning uchi 

o’tmasa,  qiynlik  bilan  buralsa,  rezьbani  ikkinchi  metchik  bilan  takror  kesish  kerak.  Yopiq 

teshiklarda  to’la  rezьba  kesish  zarurati  tug’ilsa  kesuvchi  qismi  kattalashtirilgan  uchinchi 

metchik ishlatiladi, bunda rezьba teshikning tubiga yetadi.