Ilg’or xorijiy tajriba bilan uzviylik.
Mazkur majmua ilg’or xorijiy tajribani keng o’rganish, umumlashtirish va undan ta’lim va tadqiqotlar jarayonida samarali foydalanish mahsulidir.
Mamlakatda qisqa muddatda innovatsiyaga yo’naltirilgan iqtisodiyotni shakllantirishga va innovatsiyalarni keng joriy etish uchun shart-sharoitlar yaratishga qaratilgan keng ko’lamli ishlar amalga oshirildi.
Respublikani innovatsion va ilmiy-texnik rivojlantirish sohasida yagona davlat siyosatini amalga oshiruvchi organ tashkil etilganligi, uning huzurida Innovatsion rivojlanish va novatorlik g’oyalarini qo’llab-quvvatlash jamg’armasi shakllantirilganligi mazkur yo’nalishdagi muhim bosqichlardan biri bo’ldi.
O’zbekiston Respublikasi Prezidentining 2016 yil 26 may qarorida oliy o’quv yurtlari “jahonning rivojlangan mamlakatlaridagi etakchi universitetlar va oliy o’quv yurtlari bilan qalin hamkorlik doirasida keng ko’lamda ishtirok etgan holda 2016/2017 o’quv yili boshlangunga qadar barcha o’quv rejalari va dasturlari tubdan qayta ishlab chiqilishini nihoyasiga etkazishni ta’minlasin, fanlarni o’qitishning eskirgan, umrini o’tab bo’lgan yondashuv va uslublaridan batamom voz kechishni, bakalavriat va magistraturada jahon fani va ilg’or pedagogik texnologiyalarning zamonaviy yutuqlariga asoslangan yangi o’quv rejalari va dasturlarini joriy etishni, shuningdek, ta’lim jarayonida ularni amalga oshirish hamda oliy ma’lumotli mutaxassislar tayyorlash sifatini oshirish uchun etakchi xorijiy olimlar va o’qituvchilarni jalb etishni nazarda tutsin”1 deb alohida ta’kidlangan.
Ushbu qarorda belgilangan vazifalarni amalga oshirish maqsadida ta’lim va tadqiqotlarning mazkur axborot-resurs manbaini ishlab chiqishda Dankin Universiteti, Massachusets Texnologiya instituti va N’yu-York Davlat Universiteti (AQSH), Oksford Universiteti, Bat Universiteti va London Metropoliten Universiteti (Buyuk Britaniya), Bremerxafen Universiteti (Germaniya), Vaseda Universiteti (YAponiya), Kemyong Universiteti (Koreya Respublikasi), SHanxay Universiteti (XXR) va boshqa etakchi xorijiy universitetlar boy ijobiy tajribasidan samarali foydalanildi.
Majmuani takomillashtirish masalalari.
Elektron o’quv-uslubiy majmua o’quv yili mobaynida xalqaro va milliy iqtisodiyot tizimidagi o’zgarishlar va tendentsiyalar, yangi qabul qilingan qonunlar, farmonlar va qarorlarni, xorijda va respublikada chop etilgan yangi o’quv va ilmiy adabiyotlarni, fan-texnika va texnologiya borasida erishilgan yangi yutuqlarni hisobga olgan holda muntazam takomillashtirilib boriladi.
“Innovatsion iqtisodiyot” fani o’z ichiga quyidagi vazifalarni oladi:
- birinchidan, innovatsiyalar to’g’risida tushunchani hosil qilish va mamlakatimizda innovatsion faoliyatni rivojlantirishning o’ziga xos xususiyatlarini o’rganish;
- ikkinchidan,innovatsion muhit to’g’risida umumiy tushuncha hosil qilish va yirik ishlab chiqaruvchi korxonalarga investitsiyalarni jalb qilish yo’llari va usullarini bilish;
- uchinchidan,innovatsion faoliyat samaradorligini aniqlash va istiqboldagi vaziyatni baholashni amalga oshirish;
- to’rtinchidan,investorlar va ishlab chiqaruvchilar o’rtasida vujudga kelishi mumkin bo’lgan turli vaziyatlarni mantiqiy evristik va iqtisodiy matematik modellar orqali tahlil qilish va istiqbollashni amalga oshirishni;
Shuningdek, “Innovatsion iqtisodiyot” fani fundamental fanlardan biri bo’lib, boshqa iqtisodiy fanlarni chuqur o’rganishda asos bo’lib xizmat qiladi.
Do'stlaringiz bilan baham: |