Namangan muhandislik- texnologiya instituti

FANNING PROSPEKTI

O’QUV KURSINING PROSPEKTI


(2019/2020 o’quv yili)

O’quv kursining to’liq nomi:		INNOVATSION IQTISODIYOT
Kursning qisqacha nomi:		II				II
Kafedra:		Sanoat iqtisodiyoti
O’qituvchi haqida ma’lumot:		Aliev Y.E. Olimov M.K.						[e-mail]
Semestr va o’quv kursining davomiyligi		4-5 semestr, 32 hafta
O’quv soatlari xajmi:		jami:		176
		shuningdek:
		ma’ruza		48
		seminar
		amaliy		48
		mustaqil ta’lim		80
Yo’nalish nomi va shifri		5230100		Iqtisodiyot (tarmoqlar va sohalar bo’yicha)
O’quv kursining statusi		Asosiy o’quv kursi
Dastlabki tayyorgarlik:		“Real sektor iqtisodiyoti”, “Korxonalarning rivojlanish strategiyasi”, “Marketing”, “Statistika”
Kursning predmeti va mazmuni: O’zbekistonda real sektorni jadal sur’atlar bilan rivojlantirish, tarmoq korxonalarida istiqbolli loyihalarni amalga oshirish orqali yangi zamonaviy texnika, dastgoh va uskunalar, texnologiya va nou-xaularni joriy etish eng avvalo samarali investitsion faoliyatni tashkil etishni va to’g’ri yo’naltirilgan investitsion siyosatni olib borishni taqozo etadi. Bunda investitsiya manbalarining ichki imkoniyatlaridan to’la foydalanish va investitsion jozibadorlikni oshirish orqali xorijiy investorlarni keng jalb etish asosiy vazifa hisoblanadi. "Innovatsion iqtisodiyot" fani iqtisodiyotni modernizatsiyalash sharoitida sodir bo’layotgan ijtimoiy-iqtisodiy jarayonlarini nazariy va amaliy masalalarini o’rganish va uni mo’’tadil rivojlantirishning echimlarini topishda hamda magistratura ta’limi “real sektor” yo’nalishi mutaxassislarini shakllanishida katta ahamiyatga ega va bu iqtisodiyot yo’nalishidagi talabalar, ushbu soha bo’yicha bilim va ko’nikmalarining yuksak darajada shakllangan bo’lishini taqozo etadi.
Kursni o’qitishning maqsadi va vazifalari: “Innovatsion iqtisodiyot” fanini o’qitishdan maqsad - talabalarda bozor iqtisodiyoti sharoitida mamlakatimiz milliy iqtisodiyotni innovatsion tizimida sanoat korxonalarining egallagan o’rnini tavsiflash, iqtisodiyot va aholining sanoat mahsulotlariga bo’lgan ehtiyojlarini to’laroq qondirish, fan-texnika taraqqiyotini jadallashtirish va sanoatda innovatsion mahsulotlar ishlab chiqarishining samaradorligini oshirishning nazariy va amaliy masalalari to’g’risida nazariy bilimlarni shakllantirish va amaliyotda tatbiq etish ko’nikmasini hosil qilishdan iborat. Ushbu maqsadga erishish uchun fan talabalarni nazariy bilimlar, amaliy ko’nikmalalar, iqtisodiy hodisa va jarayonlarga uslubiy yondashuv hamda ilmiy dunyoqarashini shakllantirish vazifalarini bajaradi. Fan bo’yicha talabalarning bilim, ko’nikma va malakalariga qo’yidagi talablar qo’yiladi. Talaba: - mamlakat sanoatining tarkibi, sanoatga kiruvchi tarmoqlarni innovatsion rivojlantirish bo’yicha qonunlar va qonuniyatlar, sanoat korxonalarining ijtimoiy-iqtisodiy samaradorligi to’g’risida tasavvurga ega bo’lishi; - sanoat majmuasiga kiruvchi tarmoqlar va korxonalarda innovatsion faoliyatni tashkil etish va boshqarishning samarali usullarini, tarmoqlar o’rtasidagi uzviy aloqalarning rivojlanish tendentsiyalarini; ilm fanga oid iqtisodiy kategoriyalarning mohiyatini; mamlakat sanoat tarmoqlaridagi innovatsion jarayonlardagi mavjud muammolar va ularni echimini aniqlashni, O’zbekiston Respublikasining sanoat innovatsion siyosatining mohiyatini bilishi va ulardan foydalana olishi; - talaba innovatsion iqtisodiyotga oid iqtisodiy statistik va hisobot ma’lumotlarni yig’ish, qayta ishlash va tahlil qilish, milliy tarmoqlar, hududiy va korxona iqtisodiyotini o’zaro aloqadorligini tushunish ko’nikmalarga ega bo’lishi; - talaba sanoat integratsiyasi, mamlakat sanoatining tarkibi, uning innovatsion rivojlanib borishi, sanoat tarkibiga kiruvchi tarmoqlarning innovatsion rivojlanishini hozirgi holati, ilmiy-innovatsion faoliyatning qonuniy va normativ huquqiy asosini bilish va qo’llash bo’yicha echimlar qabul qilish ko’nikmalariga ega bo’lishi kerak.