Namangan muhandislik- texnologiya instituti

3. Eksport tovarlarni brendlashni ahamiyati.
Brend mavjudligi va muvaffaqiyatli faoliyat ko‘rsatishining albatta qilinishi kerak bo‘lgan sharti umumiy firma uslubiga - korxona obrazining vizual va mazmuniy birligiga rioya qilish hisoblanadi. Firma uslubining elementlari quyidagilar hisoblanadi: mahsulot nomi, logotipi, tovar belgisi, xizmat ko‘rsatish belgisi, firma nomi, firma ranglari, korxona xodimlarning maxsus kiyimlari ranglari va uslubi, shuningdek, korxonaga tegishli bo‘lgan boshqa intellektual mulk ob’ektlari.
Brendlash tovar belgilarini bozorga ilgari surish tor ma’nosida poligrafiya usullari, shelkografiya, gul tikib bezash, bosma naqsh usullari,reklama, jumladan, ommaviy axborot vositalaridagi reklama yordamida amalga oshiriladi.
Brendni tovar, xizmat yoki kompaniya bilan bog‘liqravishda tasavvur qilinadigan kompleksli tushunishda bunday obraz shakllantirishning barcha jihatlarini hisobga olish muhim. Provayderishlab chiqaruvchi va iste’molchimijoz o‘rtasida kommunikatsiyalar jarayonida barcha sezgi organlari - ko‘rish, eshitish va harakatni his qilish organlari ishga tushadi. SHu sababli, brendlashga to‘laqonli kompleksli yondashuvda shuningdek, firma ovoz bilan rasmiylashtirishi (musiqiy logotip, firma oxangi), kinestetik rasmiylashtirish (aroma-imzo. aroma-marketing, va shunga o‘xshash muqobil marketingshakllari) haqida gapiriladi.
Samarali brendlash uchun brenddan o‘rin olgan barcha tasavvurlar va tavsifnomalar kompleksini etkazadigan personaj tobora ko‘prok foydalanilmoqda. Personajdan foydalanish brend bilan muvaqqat darajada ham (reklama kampaniya), doimiy darajada ham (logotip va nom bilan birgalikda brendbukka kiritilgan) ishlashga imkon beradi. Personaj brend va uning tavsifnomalarini aks ettirilishi ham, iste’molchini aks ettirishi va shu tariqa uning kutilayotgan iste’mol reaksiyalari va tasavvurlarini ko‘rsatishi ham mumkin.
Brending bu – uzoq davr davomida savdo markasi yoki markasiz mahsulotning uni yakuniy iste’molchi uchun yanada jalb etuvchan qiladigan qo‘shilgan qiymati, emotsional yoki oqilona “belgisini” yaratish orqali brend imidjini shakllantirish jarayonidir¹⁸.
Brending quyidagicha ta’riflanadi: xaridor ongida tovar obrazini yaratish, tovar belgisi obrazining nufuzi, sifati, mashhurligi va jalb etuvchanligini qo‘llab-quvvatlash,belgilangan tovar markasiga nisbatan uzoq muddatli xaridorlar afzal ko‘rishini shakllantirishdir.