Namangan muhandislik- qurilish instituti

Fan bo’yicha talabalarning bilim, ko’nikma va malakalariga

qo’yiladigan talablar

“Elektronika va sxemotexnika” o’quv fanini o’zlashtirish jarayonida amalga oshiriladigan masalalar doirasida bakalavr:

- diskret va integral amallarning turlari, xususiyatlari va funktsional vazifalarini, integral mikrosxemalarda qurilgan qurilmalarning kirish-chiqish parametrlarini o’lchashni bilishi kerak:

- zamonaviy integral sxemalar asosida kombinatsion va printsipial sxemalarni loyixalashni, integral mikrosxemalarda qurilgan qurilmalarda shikastlanishlarni qidirish ko’nikmalariga ega bo’lishi kerak;

- katta integral mikrosxemalar asosida EXM sxemalarini loyixalash; integral mikrosxemalarning rivojlanish istiqbolini bilish malakalariga ega bo’lishi kerak.

Fanning o’quv rejadagi boshqa fanlar bilan o’zaro bog’liqligi va uslubiy jihatdan uzviyligi

“Elektronika va sxemotexnika” fani asosiy ixtisoslik fani hisoblanib, 5,6-semestrda o’qitiladi. Dasturni amalga oshirish o’quv rejasida rejalashtirilgan matematik va tabiiy (oliy matematika, informatika va axborot texnologiyalari, diskret matematika, ekologiya), umumkasbiy(ta'limda axborot texnologiyalari, kompyuter grafikasi va dizayn, dasturlash texnologiyasi, ma'lumotlar tuzilmasi va algoritmlari va h.,k.) va ixtisoslik (amaliy matematik dasturlar paketi, multimedia tizimlari va texnologiyalari, avtomatlashtirilgan loyihalash tizimi va h.,k.) fanlari bilan bir qatorda fizika hamda fizika kabi fanlardan yetarli bilim va ko’nikmalarga ega bo’lishi talab etiladi.