Наманган давлат университети

 
4.2. Ўзбекистон Республикасига хорижий инвестицияларни жалб 
қилишнинг ҳуқуқий асослари 
 
Ўзбекистонда хорижий инвестицияларни жалб қилиш ва тартибга солишда 
Ўзбекистон Республикасининг қонунлари ва бошқа меъѐрий-ҳуқуқий 
ҳужжатлар унинг ҳуқуқий асоси бўлиб хизмат қилади.
Ўзбекистон Республикасида хорижий инвестицияларни жалб этиш 
соҳасидаги асосий меъѐрий-ҳуқуқий ҳужжатлар қуйидагилардир: 
-Ўзбекистон Республикасининг «Инвестиция фаолияти тўғрисида»ги 
Қонуни, 4.12.1998 й.; 
-Ўзбекистон Республикасининг «Чет эл инвестициялари тўғрисида»ги 
Қонуни, 30.04.1998 й.; 
-Ўзбекистон Республикасининг «Чет эллик инвесторлар ҳуқуқларининг 
кафолатлари ва ҳимоя чоралари тўғрисида»ги Қонуни, 30.04.1998 й.; 
-Ўзбекистон 
Республикаси 
Президентининг 
«Ўзбекистон 
Республикасининг 2010 йилги Инвестиция дастури тўғрисида»ги Қарори, 
28.10.2009 й.;
-Ўзбекистон Республикаси Президентининг «Тўғридан-тўғри хусусий 
хорижий инвестицияларни жалб этишни рағбатлантириш борасидаги қўшимча 
чора-тадбирлар тўғрисида»ги Фармони, 11.04.2005 й. 
Ўзбекистон Республикасининг "Чет эл инвестициялари тўғрисида", "Чет 
эллик инвесторлар ҳуқуқларининг кафолатлари ва уларни ҳимоя қилиш 
чоралари тўгрисида", "Инвестиция фаолияти тўғрисида"ги Қонунлари хорижий 
инвестицияларни жалб этишда муҳим аҳамият касб этмоқда. Мамлакатимиздаги 
сиѐсий, иқтисодий, молиявий барқарорлик чет эл инвестицияси учун ҳар 
томонлама қулай шароит яратмоқда. Давлатимиз раҳбарининг оқилона сиѐсати 
натижасида қабул қилинаѐтган имтиѐзли муҳитни яратувчи қонунлар чет эллик 
инвесторларда тобора катта қизиқиш уйғотмоқда.
Маълумки, чет эл инвесторлари мамлакатимиз ҳудудида ўз ишлаб чиқариш 
фаолиятини, қоидага кўра, хорижий инвестициялар иштирокидаги корхоналар 
ташкил этиш йўли билан амалга оширадилар. Ўз эҳтиѐжлари учун юртимиз 
ҳудудига замонавий технологиялар ва асбоб-ускуналар, уларга бутловчи 
буюмлар, шунингдек, хомашѐ ва материаллар олиб кираѐтган хорижий 
инвесторлар учун амалдаги қонун ҳужжатларида муайян имтиѐзлар назарда 
тутилган. Жумладан, "Бож тарифи тўғрисида"ги Қонуннинг 33-моддаси ва "Чет 
эл инвестициялари тўғрисида"ги Қонуннинг 12-моддасига мувофиқ, хорижий 
инвесторлар томонидан ўз ишлаб чиқариш эҳтиѐжлари учун Ўзбекистон 
Республикасига олиб кириладиган мол-мулкка божхона божи солинмас эди. 
Янги қонун асосида - чет эллик инвесторлар учун янада қулай муҳит яратиш 

---

46 
мақсадида юқорида қайд этилган ҳар икки қонунга ўзгартишлар киритилди. 
Эндиликда нафақат чет эллик инвесторлар, айни чоғда, устав фондида чет эл 
инвестицияларининг улуши камида ўттиз уч фоиз бўлган чет эл 
инвестициялари иштирокидаги корхоналар ҳам ўз ишлаб чиқариш эҳтиѐжлари 
учун Ўзбекистон Республикасига олиб кирадиган мол-мулк бўйича бож 
ундирилишидан озод қилиндилар. Мазкур қонуннинг қабул қилиниши 
натижасида "Бож тарифи тўғрисида"ги Қонуннинг 33-моддасида ва "Чет эл 
инвестициялари тўғрисида"ги Қонуннинг 12-моддасида белгиланган имтиѐзлар 
устав фондида чет эл инвестицияларининг улуши камида ўттиз уч фоиз бўлган 
чет эл инвестициялари иштирокидаги қўшма корхоналарга ҳам татбиқ 
этиладиган бўлди. Янги қонунда кўзда тутилган имтиѐзлар ана шу хайрли 
мақсадларга эришишимизда муҳим рағбатлантирувчи омил бўлиб хизмат 
қилади. Ушбу қонун халқимиз фаровонлигини оширишда ҳам улкан ижобий 
ўзгаришларга сабаб бўлади. Хусусан, аҳолини иш билан таъминлаш, янги иш 
ўринлари очиш, энг замонавий технология ва жиҳозларни келтириш ҳисобига 
иш унуми ва самарадорлиги ошиши муқаррар. Ўзбекистоннинг ташқи 
иқтисодий фаолиятига доир ҳуқуқий ҳужжатлар тизимида хорижий 
инвестициялар масаласига бевосита тааллуқли бўлган қонунлар муҳим ўрин 
тутади. Вақт ўтиши билан иқгисодий ўсишнинг жадал боришини 
таъминлаш, республика иқтисодиѐтига хорижий мамлакатларнинг илғор 
технологияларини жалб қилиш ва умуман жаҳон андозаларига эришиш учун 
хорижий инвестициялар соҳасидаги мавжуд қонунчилик базасини қайта 
кўриб чиқиш зарурати объектив равишда пайдо бўлди. Хорижий 
инвестицияларни иқтисодиѐтга жалб этиш стратегияси бўлажак чет эллик 
инвесторларнинг манфаатларини ҳамда миллий иқтисодиѐтга зарар 
келтирмаган ҳолда уларни қондириш имкониятларини ўрганишга 
асосланади. Бунинг учун, бир томондан, иқтисодиѐтни таркибан қайта 
қуришга қаратилган бир қатор аниқ лойиҳаларни амалга ошириш зарур 
бўлади; иккинчи томондан, ички инвестиция ресурслари чекланган бир 
шароитда хорижий инвестицияларнинг аҳамияти жуда юқори баҳоланади. 
Инвестиция муҳитини янада яхшилаш шартларидан бири банк тизимини 
такомиллаштириш, молия бозорида рақобатни вужудга келтириш, нақд 
пулдаги ва нақд бўлмаган пулдаги операцияларни амалга оширишни 
яхшилаш, шунингдек хорижий инвесторларни ахборот билан таъминлашни 
яхшилашдан иборатдир.
Ўзбекистон Республикасида иқтисодий ислоҳотларнинг бошланиш 
давридан чет эл инвестицияларини жалб қилишга тузилмавий қайта қуришнинг 
ҳамда умумжаҳон иқтисодий ҳамжамиятига кириб боришини тезлаштирувчи 
омил сифатида асосий устуворлик берилди. Ҳозирда, Республикада хорижий 
инвестицияларни жалб қилиш бўйича ҳуқуқий база яратилди, инвестицияларни 
жалб қилиш ва хорижий инвесторларга хизмат кўрсатувчи инфратузилма барпо 
қилинди ва бу жараѐн такомиллашиб бормоқда. Бу борада «Валютани тартибга 
солиш» тўғрисидаги қонун қабул қилинди, Ташқи иқтисодий алоқалар, 
инвестициялар ва савдо вазирлигининг вазифалари қайта кўриб чиқилди, ва 
унинг миллий валютани конвертацияси ҳамда импорт контрактларини рўйхатдаи 

---

47 
ўтказиш билан боғлиқ бўлган вазифалари бекор қилинди. Жумладан, 2003 йил 
15 октябрдан миллий валюта жорий халқаро операциялар бўйича эркин 
конвертациясининг очилиши мамлакатдаги инвестиция иқлимини яхшилашга ва 
хорижий инвестициялар оқимининг кўпайишига катта имкониятлар яратди. 
1998 йил 30 апрелда Олий Мажлис томонидан янги ҳужжат — "Чет эл 
инвестициялари тўғрисида" Ўзбекистон Республикаси Қонуни ва "Чет эллик 
инвесторлар ҳуқуқларининг кафолатлари ва уларни ҳимоя қилиш чора-
тадбирлари тўғрисида"ги Қонун қабул қилинди. 
Хорижий инвесторларнинг ҳуқуқларини кафолатлаш ва ҳимоялаш 
мақсадида яратилган шарт-шароитлардан ташқари, Республика томонидан 
Адлия вазирлигига уларнинг манфаатларини ҳимоя қилувчи давлат органи 
ваколати берилди. Жумладан, Адлия вазирлигининг таркибида 2003 йилдан 
бошлаб чет эл инвесторлари манфаатларига зарар етиш ҳолатларининг олдини 
олиш бўйича махсус бўлинмалар ташкил этилди. Олиб борилаѐтган амалий 
ишлар натижасида, иқтисодиѐт тармоқлари бўйича хорижий капиталнинг 
таркибида маълум бир силжишлар юз берди.