Namangan davlat universiteti tabiiy fanlar fakulteti biologiya kafedrasi

Лаборатория машғулотларини амалга оширишдан олдин қуйидаги техника хавфсизлиги қоидаларига риоя қилиш зарур.


Умумий қоидалар
Лабораторияга оқ халат кийган ҳолатда кириш зарур. Акс холда тананинг очиқ кисми иситиш буюмлари ёки кислота ва ишқор таъсиридан зарарланиши мумкин. Машғулотни бошлашдан олдин ишлаш жойини тозалигини ва ишлаш учун қулайлигини кўринг.
Реактивлар билан ишлаш
Лаборатория машғулотларида турли ҳарактеристикага эга реактивлар билан ишланади. Юқорида таъкидланганидек, улар билан ишлаш давомида оқ халат кийган ва қўлларга резинали қўлқоп кийган холатда ишлаш зарур.
Барча концентрланган кислота ва ишқорлар шкафда сақланиши зарур. Шунингдек, заҳарли ва нохуш хидга эга бўлган реактивлар билан камерали шкафда ишлаш мақсадга мувофиқ.
Оғзи очилган реактивлар узоқ вақт давомида қолдирилмаслиги лозим.
Агар реактив стол устига тўкилса тезда хўлланган материал билан артиб олиш зарур.
Органик реактивлар (эфир, спирт, ацетон ва бошқалар) билан ишлаш давомида реактивни ҳидлаб аниқлашга йўл қўйманг. Уларни буғлари одамни заҳарлаши мумкин.
Кислота, ишқор ва органик моддаларни пипеткада олиш жараёнида оғиз билан сўришга йўл қўйманг. Юқоридаги моддалар билан ишлаш жараёнида моддаларни тананинг очиқ жойига теккизманг. Агар концентрланган кислота тананинг бирор қисмига тегса, танани тезлик билан тез оқаётган сув билан ёки суюлтирилган сода эритмаси билан ювиш зарур. Танага ишқор эритмаси орқали зарар етса, дастлаб суюлтирилган кислота ва сув билан ювиш лозим.
Катта ҳажмдаги ва идишдаги концентрланган кислотани лаборатория бўйлаб кўтариб юрманг. Керакли миқдордагисини янги идишга қуйиб олинг ва у билан ишни давом эттиринг.
Реактивни янги идишга ёки пипетка билан олиш жараёнида ифлослантиришга йўл қўйманг. Пипеткани ва реактив қуйиладиган идишни тозалигини текширинг. Агар суюлтирилган бир неча пробиркаларга бир хил миқдорда реактив қуйилиши лозим бўлса, аввало энг паст концентрацияга эга пробиркадан бошланг.