Namangan davlat universiteti kimyo kafedrasi organik birikmalarning tuzilish nazariyasi

Tajriba №10.p-Bromasetanilid sintezi. Asbob va reaktivlar:Asetanilid, brom, suv.

Ishning bajarilishi:Tishchenko yoki Dreksel sklyankasiga 0,3ml brom bilan 2ml suv quyiladi. Hajmi 18x180 probirkaga 0,68g asetanilid bilan 6ml suv quyamiz va tiqinga biri probirka tubigacha tushadigan va ikkinchisi kalta ikkita shisha naycha o’rnatiladi. Uzun shisha naychaning uchi Tishchenko yoki Dreksel sklyankasi bilan rezina trubka orqali bir-biriga biriktiriladi, kalta naychaning uchi esa suv nasosiga ulanib, suv jo’mragi ochiladi. Bunda sklyankaga kirgan xavo oqimi brom bug’larini shisha naycha orqali probirkaga olib kiradi va asetanilidning suvda erigan qismi bilan reaksiyaga kirib p-bromasetanilid hosil qiladi. Havo oqimini tezligi shunday bo’lishi kerakki, probirka ustidagi brom bugi ko’rinmasligi lozim. Sklyankadagi bromning tugashi hamda probirkada bromning qo’ng’ir bug’i qolmasligi reaksiya tugaganligini ko’rsatadi. Probirkadagi p-bromasetanilid kichkina Shotte voronkasi orqali filtrlanadi.

p-Bromasetanilidning hosil bo’lishi 0,8-0,9g (83-85%). P-bromasetanilid etil spirtida qayta kristallanadi. Uning erish. temperaturasi 167-168⁰C. p-bromasetanilid hosil bo’lganligini Belshteyn uslubi bilan sinab ko’ring.