Najmiddin komilov tadqiqotlarida tasavvuf va komil inson masalalari talqini

Tadqiqotning o‘rganilganlik darajasi. 
O‘zbek adabiyotshunosligida taniqli
adabiyotshunos, professor Najmiddin Komilovning ilmiy va ma’rifiy ijodi 
mohiyati maxsus tadqiq qilinmagan bo‘lsa-da, uzoq yillardan buyon olimning
tadqiqotchilik mahoratiga qiziqish katta. Bu qiziqish uning tadqiqotlariga 
yozilgan so‘zboshilarda va ularga bag‘ishlangan ilmiy taqrizlarda,
maqolalarda, olimning turli yillarda nishonlangan yubiley tantanalari 
munosabati bilan chop qilingan to‘plamlardagi dil so‘zlarda yaqqol
kuzatiladi.
Shuningdek, adabiyotshunos olim Najmiddin Komilovning hayoti va 
ilmiy faoliyatiga doir qarashlar B.Qosimov, E.Ochilov kabilarning maqolalarida, 
shuningdek, olimning 80 yillik yubeleyiga bag‘ilgangan Respublika ilmiy 
konferensiyasi materiallarida o‘zbek adabiyoti va Sharq mumtoz adabiyoti 
rivojiga qo‘shgan hissasi munosib tarzda e’tirof etilgan
1
. 
Yetuk adabiyotshunos, tasavvuf va mumtoz Sharq adabiyoti bilimdoni, 
mehnatkash inson, halol murabbiy sifatida elga tanilgan Najmiddin Komilov
ko‘pchilik yoshlarning tafakkuri va ma’naviyatini yuksaltirishda jonbozlik 
ko‘rsatgan taniqli olim, bag‘rikeng va jonkuyar ustoz, fidoyi murabbiydir. 
Shuning uchun ko‘pchilik uning nomini faxr va iftixor bilan tilga oladi.
Olim haqida yozilgan barcha maqolalar, avvalo, uning ijodiga bo‘lgan 
1
Qarang:
Qosimov B. Asllik. So’zboshi. Najmiddin Komilov. Tafakkur karvonlari. Sharq-u G’arbning 
sivilizatsiya aloqalari, “SHARQ” nashriyot-matbaa aksiyadorlik kompaniyasi Bosh tahririyati. Toshkent, 2011 y. 
B-6.; Vohidov R. Ilohiy ishq jozibasi (Professor Najmiddin Komilov suratiga chizgilar). Samarqand: Zarafshon, 
1998.16-17-betlar; Ochilov E. Najmiddin Komilov- navoiyshunos. // O’zbek tili va adabiyoti jurnali 1/2017. 
B-37-44. 

---

7 
qiziqishni namoyon etadi. Tabiiyki, Najmiddin Komilovning tadqiqotchilik
faoliyati, yaratgan ilmiy asarlarining ma’rifiy mohiyati va qimmati haqida
bildirilgan bu kabi fikr-mulohazalar, yaratilgan risola va maqolalar ushbu
tadqiqotning amalga oshirilishida muhim metodologik yo‘nalish bo‘lishi, 
shubhasiz.