Нажас лаборатор таҳлили тта даволаш №1. 313-а гр Мамадиёров Суҳробжон

Нажас текшируви

• Лабораторияда нажаснинг кимёвий таҳлили, макроскопик ва микроскопик текшируви ўтказилади.
• Нажас текшируви. Нажас текшируви физик хусусиятларни аниқлаш, микроскопик ва кимёвий текширувни ўз ичига олади.

Физик хусусиятлар

Нажаснинг физик хусусиятларини баҳолаш меъдаичак асбоби функционал ҳолати ҳақида фикр юритиш учун зарур бўлган мезон ҳисобланади. 

• 1. Нажас миқдори соғлом инсонда кунига 120-200 г ни ташкил этади. Миқдорнинг ўзгариши озиқ режимига (таом таркибида оқсиллар кўп бўлишида нажас миқдори камаяди, ўсимлик таркибли таомда нажас миқдори ортади), шу билан бирга таом ҳазм бўлишига боғлиқ. Шу туфайли овқат ҳазм бўлишининг бузилиши билан кечадиган ҳолатларда (ахилия, меъда ости безининг шикастланиши, энтерит, спру, Гиршпрунг касаллиги ва бошқалар) нажаснинг кунлик ажралишини ортиши кузатилади. Нажас массаларининг миқдори ич қотишида, спастик колитларда камаяди. 
• 2. Меъёрий нажаснинг шакли цилиндрик, қалинлиги 2-4 см, консистенцияси зичроқ (таркибида 70-80% сув мавжуд). Бу каби нажас шаклланган нажас дейилади. Шаклланмаган, ёки бўтқасимон нажас сувнинг сўрилишини камайишига олиб келувчи йўғон ичакнинг кучайган перисталтикасида кузатилади. Зич юмалоқ қумалоқлар кўринишидаги қўй нажаси шакли спастик ич қотишида кузатилади. Тасмасимон, қаламсимон шаклдаги нажас тўғри ичакдаги бирор-бир тўсиқ (ўтма, бавосил тугунлари, полиплар, сфинктернинг қисқариши) нинг натижаси бўлиши мумкин.

Физик хусусиятлар

• 3. Меъёрий нажас ранги жигар ранг бўлиб, унинг таркибида стеркобипин мавжудлигига боғлиқ. Истеъмол қилинган таом таркиби нажас рангига таъсир қилади: сутли парҳез оқишроқ ранг беради, гўштли таом эса тўқроқ ранг беради. Шовил, шпинат таркибида бўлган ўсимлик пигментлари (хлорофилл) нажасга яшилсимон ранг беради; қизил лавлаги, корағат (кора смородина) нажасни қора ёки қизил рангга бўяйди; баъзи қабул қилинган доривор воситалар, масалан, висмут нажасни қорага, пурген эса қизилга бўяйди. Кўкрак ёшидаги болаларнинг меъёрий нажасни сариқ ёки тилла ранги унинг таркибидаги билирубин билан боғлиқ. Ушбу ёшда ичакда билирубинни стеркобилинга тиклайдиган флоранинг йўқлиги туфайли стеркобилин ҳосил бўлмайди. Билирубинни биливердингача оксидланишида нажас яшил рангга бўялади.