Начальнику сдс мид ру

Масъулияти чекланган жамият – бир ёки бир неча шахс томонидан таъсис этиладиган, устав сармояси таъсис хужжатларида белгиланган миқдордаги улушларга бўлинган ва жамият мажбуриятлари бўйича жавобгарлик ўзлари қўшган ҳисса миқдори билан чекланган хўжалик жамияти.
Очиқ турдаги акциядорлик жамияти – акциялари очиқ савдо орқали тарқатиладиган ва иштирокчилари ўзларига тегишли акцияларни бошқа акциядорларнинг розилигисиз ўзга шахсларга беришлари ёки сотишлари мумкин бўлган жамият.
Қўшимча маъсулиятли жамият – бир ёки бир неча шахс томонидан таъсис этиладиган, устав сармояси таъсис ҳужжатларида белгиланган миқдордаги улушларга бўлинган ва жамият мажбуриятлари бўйича жавобгарлик ўзлари қўшган ҳиссага нисбатан каррали миқдорда ошириладиган хўжалик жамияти.
Қўшма корхона – бир неча давлатлар вакиллари ҳисобланган иштирокчиларнинг мулкларини бирлаштириш, хўжалик фаолиятини биргаликда юритиш ва бошқариш ҳамда олинган фойдани тақсимлаш келишувларига асосланган хўжалик ташкилоти.
Қўшма тадбиркорлик – умумий стратегик мақсадларга эришиш учун бир неча жисмоний ва (ёки) юридик шахс мулки ва ишчанлигини бирлаштириш асосида ташкил этиладиган ва амалга ошириладиган тадбиркорлик шакли.
Тадбиркорлик уюшмаси – тадбиркорлик фаолиятини мувофиқлаштириш, ўз аъзоларининг манфаатларини ифодалаш ва хуқуқларини ҳимоя қилиш мақсадида шартнома асосида тузиладиган ихтиёрий нотижорат бирлашма.
Тўлиқ ширкат – иштирокчилари ўртасида тузилган шартномага мувофиқ ширкат номидан тадбиркорлик фаолияти билан шуғулланадиган ҳамда унинг мажбуриятлари бўйича ўзларига тегишли барча мол-мулк билан жавоб берадиган ширкат бўлиб, унинг аъзолари тўлиқ шериклар ҳисобланади.
Унитар корхона – ўзига бириктириб қўйилган мол-мулкга нисбатан мулкдор томонидан мулкка эгалик ҳуқуқи берилмаган корхона (асосан давлат корхоналари).
Холдинг – аъзолари (иштирокчилари) фаолиятига умумий раҳбарлик ва бошқарувчилик вазифасини амалга оширувчи бирлашма.
Хўжалик жамияти – тадбиркорлик фаолиятини амалга ошириш учун бир ёки бир неча шахснинг мулкини бирлаштириш йўли билан тузиладиган ташкилот.