N. Rahmatullayeva A. Kamalov ijtimoiy menejment

«Yangi» maktab. Boshqaruv nazariyasidagi bu yo‗nalish boshqa-ruv ilmiga aniq fanlar usullari va apparatini joriy etish bilan xarakterlanadi. Bu maktabning eng ko‗zga ko‗ringan vakillari R.Akoff, L.Bertalanfi, S.Vir, R.Kalman, L.Kleyn, R.Lyus, D.Forrester. «Yangi» maktabning shakllanishi kibernetika va operatsiyalarni tekshirishning paydo bo‗lishi bilan bog‗liq. Operatsiyalarni tekshirish mustaqil fan sifatida shakllanib, ikki asosiy yo‗nalishda rivojlanmoqda.

41

Birinchisi, ishlab chiqarish menejmentida tez uchrab turadigan va zaxiralarni boshqarish, resurslarni taqsimlash, ommaviy xizmat ko‗rsatish masalalari, eskirgan uskunalarni yangilash, noaniqlik sharoitlarida xulq-atvor strategiyasining tanlanishi, vaqt bo‗yicha ishni tartibga solish va hodisalarning matematik modellarini qurish bilan bog‗liq.

Ikkinchisi, o‗z e‘tiborini tizimlarni o‗rganishga qaratdi va «tizimtexnika»ning yaratilishiga olib keldi. Keyinchalik, «yangi» maktabda doilmiy fan-boshqaruv qarorlari nazariyasi shakllandi. Bu sohadagi tadqiqotlar quyidagilarni ishlab chiqishga qaratilgan:

• 
  Jamoalarda qarorlarni ishlab chiqish.
  

• 
  O‗yinlar nazariyasi va statistik yechimlar nazariyasini qo‗llash orqali eng maqbul echimlarni ishlab chiqish algoritmlari.
  

• 
  Iqtisodiy hodisalarning matematik modellari.