N. M. Mahmudov, A. Nurmonov, A. Sh. Sobirov

207-mashq.
  Rasm  asosida  qadim  va  hamisha  navqiron  Xiva 
shahrini  yoki  o‘zingiz  bilgan  tarixiy  obidani  tasvirlab  bering.  Tasvirlashda 
ishlatgan  so‘z  va  iboralaringizni  izohlang. 
208-mashq.
  Jaloliddin  Manguberdi  haqidagi  matnni  o‘qing  va  uni 
qayta  hikoya  qiling. 
http://eduportal.uz

---

94
Taxtga  o‘xshash  o‘rindiqda  yigirma  yoshlardagi,  bug‘doyrang 
chehrali,  chiroyli  qosh-ko‘zli,  nigohi  jiddiy  va  sinovchan  boquvchi, 
burnida  qora  xoli  bor  yigit  o‘tirardi.  Uning  vazmin  qarashlari, 
qat’iy  qimtilgan  labi  kuchli  iroda,  og‘ir  tabiatli  va  havoyi  hirslarga 
tamom  begona  kishi  ekanidan  guvohlik  berib  turardi.  Kalta 
tarashlangan  soqol-mo‘ylabi  ham  istarasi  issiq  yuziga  yarashib, 
yigitlik  husni  va  salobatini  oshirgan.  Bu  –  sulton  Alovuddin 
Muhammadning  o‘g‘li,  to‘ng‘ich  shahzoda  Jaloliddin  edi.  (Baxtiyor 
Abdug‘afur) 
209-mashq.
  Matnni  o‘qing,  undan  foydalanib,  sinfdoshlaringizni 
tasvirlab  bering. 
Gulniholning  ismi    jismiga  monand:  yuzi  gul,  qomati  niholdek, 
ko‘zlari  o‘ychan,  qora  qoshlari  mayin,  qayrilma.  Chehrasi 
farishtali,  ko‘zlari  ma’nodor,  iboli.  Harakatlari  yengil,  nazokatli. 
Lekin  uni  yaxshilab  kuzatgan  sinchkov  kishi  shuncha  husn-latofat, 
nafis  qiliqlar  aro  botiniy  bir  kuch,  qat’iyat  mavjudligini  sezmay 
iloji  yo‘q.  Bu  kuch  uning  tomirida  oqayotgan  qondan  –  otameros. 
Otasi  ...  mard,  cho‘rtkesar  odam  edi.  (Jo‘ra Fozil) 
1.  Tasviriy  matn  qanday  maqsad  bilan  tuziladi?
2.  Tasviriy  matnning 
o‘ziga  xosliklari  haqida  gapiring.
3.  Tasviriy  matn  qayerlarda  qo‘llanadi
?
 
210-mashq.
  Uyga vazifa. 
Matnni  o‘qing.  O‘z  hovlingiz,  uyingiz 
haqida  tasviriy  matn  tuzing.
Kattagina  mevazor  hovli,  bir  chetida,  supaning  etagida 
bejirimgina  hovuzcha.  Bir  tomonidan  suv  kirib,  bir  tomonidan 
chiqib  ketadi.  Unga  keladigan  ariqning  ikki  beti  qator  olcha.  Undan 
narida  bir  tup  ulkan  olma.  Mevasi  shig‘il.  Hovlining  etagida  turli 
savzavot:  kashnich,  ukrop,  shovul,  petrushka,  barkashdek  yerga 
o‘sma  ham  sochilgan.  Tartib  bilan  o‘tqazilgan  turli-tuman  gullar 
chaman  bo‘lib  yotibdi...  (Shuhrat) 
http://eduportal.uz

---

95