N. M. Alovddinova Ilmiy va pedagogik xizmatlar markazi direktori

SO‘Z BOSHI
Aziz o‘quvchi! O‘tgan yillar davomida Siz “Texnologiya” faniga oid ko‘plab bilimlarni 
o‘rgandingiz hamda ijodiy ishlarni mustaqil ravishda bajarib keldingiz. Endi olgan bilim, ko‘nikma 
va malakalaringizni yanada mustahkamlagan holda, o‘z qo‘llaringiz bilan har xil materiallardan 
chiroyli buyumlar, turli mexanizmlar asosida harakatlanuvchi sodda jihozlar, robototexnika 
elementlari yordamida aqlli texnika va texnologiyalarni yasashni o‘rganasiz.
Zamonaviy fan-texnika taraqqiyoti yangi materiallar, ularning xossa va xususiyatlari, 
texnik obyekt va texnologik jarayonlarga oid ma’lumotlarni o‘rganishni talab etmoqda. Chunki 
intellektual qobiliyatga ega shaxs texnik obyekt, texnologik jarayon, maxsus va umummehnat 
operatsiyalarini bilishi hamda mahsulot tayyorlash ketma-ketligi, tayyor mahsulot sifatini tahlil 
qila olishi zarur. Zero, texnologik jarayonlar bajarilishi bo‘yicha tegishli xulosa chiqarish, mehnat 
operatsiyalari hamda mahsulot sifatini baholay olish muhim ahamiyat kasb etadi. Mashg‘ulotlar 
davomida zamonaviy texnika va texnologiya, asbob-uskuna, moslama va dastgohlardan 
foydalana olish, ishni raqamli texnika va texnologiyalar asosida tashkil etish hamda boshqarish 
bo‘yicha dastlabki bilimlarga ega bo‘lasiz.
Aziz o‘quvchi! Siz buyuk kelajakni yaratuvchi, yangi texnologiyalarni hayotga tatbiq etuvchi, 
buning natijasida mamlakatimiz rivojiga ulkan hissa qo‘shuvchi shaxs hisoblanasiz.
Mazkur yangi avlod darsligi asosida olgan bilimlaringiz kelajak hayotingizda muhim o‘rin 
egallaydigan amaliy mehnat faoliyatiga tayyorgarlik ko‘rishingizda hamda o‘zingiz qiziqqan 
kasb-hunar turlaridan birini to‘g‘ri tanlashingizda Sizga yaqindan yordam beradi, deb ishonamiz.
Mualliflar
@edurtm_uz

---

7
TEXNOLOGIYA VA 
DIZAYN YO‘NALISHI