N. J. Toshmanov rivojlanish biologiyasi

Qonning  shaklli  elementlari
.  Qon  shaklli  elementlari    qatoriga  qizil  qon  
tanachalari – eritrotsitlar, oq qon tanachalari – leykotsitlar va qon  plasginkalari – 
trombotsitlar kiradi (57-rasm). 
Eritrotsitlar.
  Odamda  va  boshqa  sut  emizuvchi  hayvonlarda  eritrotsitlar 
yuqori  darajada  differensiallashgan  elementlar  bо„lib,  ularda  yadro  va  hujayra 
organoidlari  bо„lmaydi.  Tuban  umurtqalilar  va  qushlarda  eritrotsitlar  zichlashgan 
yadro va mikronaychalar saqlaydi. 
Eritrotsitlar eng kо„p sonli qon  hujayralari hisoblanadi. Sog„lom erkaklarda 
ularning  soni  1  mm
2
  qon  da  4,0–5,5  mln,  ayollarda  esa  4,0–5,0  mln  ga    tengdir. 
Voyaga yetgan odamda о„rtacha 25 trillionga yaqin eritrotsitlar  
 
 
57-rasm. Odam qonining bо„yalgan surtmasi
. 
1- eritrotsitlar; 2- limfotsitlar; 3- monotsit; 4- neytrofil; 5- eozinofil; 6- bazafil;  
7- trombotsitlar. 
 
bо„ladi. Eritrotsitlar soni yoshga va fiziologik holatlarga qarab о„zgarishi mumkin. 
Masalan,  chaqaloqlarda  va  60  yoshdan  oshgan  kishilarda  eritrotsitlar  soni  6–6,5 
mln  ga  yetishi  mumkin.  Siyraklashgan  atmosferada,  kuchli  jismoniy  mehnat 
paytida  ham  eritrotsitlarning  soni  ortishi  mumkin.  Eritrotsitlar  sonining  turg„un 

---

184 
 
kо„payib  ketishi  politsitemiya  deyiladi  va  qon  sistemasi  kasalliklarida  uchraydi. 
Eritrotsitlar  sonining  kamayib  ketishi  eritrotsitopeniya  deb  atalib,  bu  turli  xil 
kamqonlik (anemiya)larning xarakterli belgisi hisoblanadi. Qonda eritrotsitlar ikki 
tomonlama botiq disk shakliga ega bо„lib, qonning surtma preparatlarida yumaloq 
doira  shaklini  oladi.  Rastrlovchi  elektron  mikroskop  ostida  kо„rilganda  disk 
shaklidagi  eritrotsitlar  (diskotsitlar)  eng  kо„p  (80%)  uchraydi  (58-rasm).  Ulardan 
tashqari,  sharsimon  (sferotsitlar),  gumbazsimon  (stomatotsitlar)  va  tikanaksimon 
о„siqli (exinotsitlar) eritrotsitlar ham oz miqdorda uchrashi mumkin.  
 
 
58- rasm. Eritrotsit. 1–botiq qismi; 2–qabariq qismi.
 
 
Eritrotsitlar  shakli  muhim  diagnostik  ahamiyatga  ega.  Qonda  notо„g„ri  shaklli  – 
urchuqsimon,  noksimon,  eritrotsitlarning  paydo  bо„lishi  poykilotsitoz  (yunon. 
poykilos  –  har  xil)  deb  atalib,  ba‟zi  bir  patologik  hollarda  uchraydi. 
Eritrotsitlarning  о„rtacha  diametri  sog‟lom  odamlarda  7,2  mkm  (7,1–8,0  mkm) 
bо„lib, bunday eritrotsitlar normotsitlar, 6 mkm dan kichiklari mikrotsitlar, 9 mkm 
dan yiriklari esa makrotsitlar deb yuritiladi. Qon  eritrotsitlarining doimiy kattaligi 
о„zgarib, ularning normadagidan katta yoki kichik bо„lishiga anizotsitoz deyiladi. 
Eritrotsitlarning о„rtacha hajmi taxminan 88 mkm
3
 ga, yuzasi esa 125 mkm
2
 
ga teng. Tirik eritrotsitlar sarg„ish-yashil rangga ega bо„lib, eritrotsitlarning qalin 
qatlami qon  uchun xarakterli bо„lgan qizil rangni beradi. Yangi tayyorlangan qon 
surtmalarida  eritrotsitlar  о„zlarining  yon  yuzalari  bilan  yopishib  «tanga 
ustunchalari»  deb  nomlangan  tuzilmalarni  hosil  qilishi  mumkin.  Romanovskiy 

---

185 
 
usuli bilan bо„yalganda eritrotsitlar kislotali bо„yoqlar (masalan, eozin) bilan, ya‟ni 
oksifil  bо„yaladi.  Eritrotsitlarning  taxminan  2–3  foizi  esa  ham    kislotali,  ham 
ishqoriy  bо„yoqlar  bilan  bо„yalish  xususiyatiga  ega.  Agar  eritrotsitlarni  hali  tirik 
vaqtida  (supravital)  brilliantkrezil  kо„k  yoki  azur  –  1  bо„yog„i  bilan  bо„yasak, 
ularning  ma‟lum  bir  qismida  havorang  bо„yalgan  va  ipchalar  bilan  tutashgan 
donachalarni kо„ramiz. Bu tuzilmalar donador-tо„r modda nomini olib, о„zida shu 
tuzilmalarni 
tutadigan 
eritrotsitlar 
esa 
gemoretikulotsitlar 
deyiladi. 
Gemoretikulotsitlar miqdori sog„lom odamda 1–6% bо„lib, ularning miqdori turli 
kamqonlik 
kasalliklarida 
kо„payadi. 
Elektron 
mikroskop 
ostida 
gemoretikulotsitlarda  endoplazmatik  tо„r,  ribosomalar  va  mitoxondriyalarning 
qoldiqlari  saqlanib  qolganligi  aniqlangan.  Demak,  gemoretikulotsitlar  hali 
oxirigacha yetilmagan yosh eritrotsitlardir. 
Eritrotsitlar  osmotik  bosim  о„zgarishiga  juda  sezgir.  Gipotonik  eritmalarda 
ular  shishib  yoriladi,  bu  hodisa  eritrotsitlarning  gemolizi  (haema  –  qon,  lysis  – 
erish)  deyiladi.  Gipertonik  eritmalarda  esa  eritrotsitlar  bujmayadi.  Gemoliz 
jarayoni  eritrotsitlardan  gemoglobinning  chiqib  ketishiga  olib  keladi.  Gemolizga 
uchragan  eritrotsitlar  qobig„ini  elektron  mikroskop  ostida  о„rganish  juda  qulay. 
Eritrotsitlar  qobig„i  tipik  uch  qavatli  biologik  membranadan  iborat  bо„lib,  uning 
tashqi yuzasida fosfolipidlar, oligosaharidlar va proteinlar joylashadi. Ichki yuzada 
esa aktiv glikolitik fermentlar, ATF- azalar va glikoproteinlar mujassamlashgandir. 
Eritrotsitlar qobig„i yoki plazmolemmasi yarim о„tkazuvchi membrana bо„lib, qon 
va tо„qimalar orasida aktiv modda almashinuvini ta‟minlaydi. 
Gemolizga  uchramagan  eritrotsitlar  elektron  mikroskop  ostida  gomogen 
tuzilishga  ega  bо„lib,  elektronlar  uchun  о„ta  yuqori  zichlikka  ega.  Eritrotsitlar 
tarkibida  xromoproteidlar  gruppasiga  kiruvchi  murakkab  oqsil–  gemoglobinning 
borligi  ularning  elektron  mikroskop  ostida  yuqori  zichlikka  ega  bо„lishini 
ta‟minlaydi. 
Eritrotsitlar  taxminan  60%  suvdan  va  40%  quruq  moddadan  iborat.  Quruq 
moddaning taxminan 95% ini gemoglobin tashkil etadi. 
Kimyoviy  tuzilishi  bо„yicha  gemoglobin  molekulasida  temir  elementi 

---

186 
 
bо„lgan  aktiv  prostetik  gruppa  gemdan  (4%)  va  oqsil  gruppa  globindan  (96%)) 
tarkib  topgan.  Gem  odam  gemoglobinining  barcha  turlari  uchun  bir  xil  bо„lib, 
globin esa turli xilda bо„lishi mumkin. Gemoglobinning 15 dan ortiq turi mavjud. 
Eritrotsitlar  kislorodni  tо„qimalarga  va  hosil  bо„lgan  karbonat  angidridni 
tо„qimalardan  о„pkaga  tashib  beruvchi  asosiy  elementlardir.  Eritrotsitlar 
tо„qimaning  nafas  olish  jarayonida  ishtirok  etishdan  tashqari,  о„zlariga  har  xil 
moddalarni,  aminokislotalarni  va  toksinlarni  biriktirish  (adsorbsiya)  xususiyatiga 
ega.  Eritrotsitlarning  yashash  muddati  о„rtacha  90–  120  kun.  Eritrotsitlar  qariy 
boshlashi  bilan  ularning  tarkibidagi  fermentlar  aktivligi  pasayadi.  Bir  kunda 
sog„lom odamda о„rta hisobda 250 million eritrotsit yemiriladi. Bu jarayon asosan 
taloq, jigar va suyak kо„migida amalga oshadi. Yemirilgan eritrotsitlar makrofaglar 
tomonidan  fagotsitoz  qilinadi,  ularning  tarkibidagi  gemoglobin  oqsilga  va  temir 
saqlovchi qismga parchalanadi. 
Eritrotsitlar  yemirilishidan  hosil  bо„lgan  temir  saqlovchi  gemosiderin  yoki 
ferritin  moddalari  yangi  taraqqiy  etayotgan  eritrotsit  hujayralar  sitoplazmasiga 
tushib, qaytadan gemoglobin sintezi uchun ishlatiladi.