|
16
IX.
Битирув малакавий иши таркибига инвестицияларга оид қисм
киритишнинг ўзига хос йўналишлари............................................
19
X.
Битирув малакавий ишини тартиб солиш...................................... 22
XI.
Битирув малакавий ишини топшириш ва ҳимоя қилиш
тартиби..............................................................................................
24
Иловалар............................................................................................ 28
КИРИШ
Иқтисодиётни эркинлаштириш ва модернизациялаш жараёнлари
устувор аҳамият касб этаётган бугунги кунда амалга оширилаётган
иқтисодий ислоҳотлар самарадорлиги кўп жиҳатдан инвестицияларга,
жумладан, уларни жалб қилиш ва шу билан боғлиқ қулай инвестиция
муҳитини яратиш, шунингдек, инвестициялардан мақсадли фойдаланишга
эришиш орқали барқарор иқтисодий ўсишни таъминлаш ҳамда мамлакат
инвестицион жозибадорлигини ошириш кабиларга боғлиқ. Ўтган йиллар
давомида миллий иқтисодиётда кузатилаётган ижтимоий-иқтисодий
ривожланишнинг юқори кўрсаткичларига эришишда айнан инвестициялар
марказий ўринни эгаллаб келди.
Бу борада Ўзбекистон Республикаси Президенти ўзининг 2009 йилнинг
асосий якунлари ва 2010 йилда Ўзбекистонни ижтимоий-иқтисодий
ривожлантиришнинг энг муҳим устувор йўналишларига бағишланган
Вазирлар Маҳкамасининг мажлисидаги маърузасида алоҳида таъкидлаб
ўтади: “Инқирозга қарши чоралар дастурини амалга оширишда
инвестицияларни жалб этиш, аввало, ички манбаларни сафарбар этиш
ҳисобидан иқтисодиётимизнинг муҳим тармоқларини жадал модернизация
қилиш,
техник
ва
технологик
қайта
жиҳозлаш,
транспорт
коммуникацияларини янада ривожлантириш ва ижтимоий инфратузилма
объектларини барпо этиш ҳал қилувчи устувор йўналишга айланди”
1
.
Дарҳақиқат, рeспубликамизда 2009 йил мoбайнида инвестиция дастури
ва тexник модернизациялаш бўйича тармoқ дастурлари дoирасида 690 та
инвестиция лoйиҳаси амалга oширилиб, уларнинг 303 таси муваффақиятли
якунланди. Бунинг натижасида 22 та йирик ишлаб чиқариш oбъекти,
жумладан, нефть-газ, кимё, металлургия санoатида 8 та, машинасoзлик
1
Каримов И.А. Асосий вазифамиз – ватанимиз тараққиёти ва халқимиз фаровонлигини янада
юксалтиришдир.-Т.: Ўзбекистон, 2010. – 43-б.
санoатида 9 та ва қурилиш индустриясида 5 та oбъект фoйдаланишга
тoпширилди.
Шу билан биргаликда ижтимоий-иқтисодий ривожланишнинг бугунги
даражасида иқтисодиётга жалб қилинаётган инвестиция оқимлари таркибий
жиҳатдан такомиллашиб бормоқда. 2009 йили иқтисодиётга инвестициялар
киритиш ҳажми 8,2 миллиард долларни ташкил этди, бу эса 2008 йилга
нисбатан 24,8 фоиздан кўп демакдир. Жалб этилган хорижий инвестициялар
ҳажми 68 фоизга ўсди, энг муҳими, уларнинг асосий қисми тўғридан-тўғри
киритилган инвестициялар бўлиб, уларнинг ҳажми 1,8 баробар ошди.
Шу маънода бугунги кунда мамлакатнинг инвестицион жозибадорлиги
ошиб бораётган ҳамда ялпи инвестиция, жумладан, ички хусусий инвестиция
манабаларини ўсиши шароитида аҳолининг фаол қатлами ўртасида
инвестициялардан
фойдаланиш,
унинг
самарадорлигини
ошириш,
инвестиция оқимларини (лойиҳаларини) бошқариш, инвесторлар билан
ишлаш кўникмаларини шакллантириш вазифаси юзага келмоқда.
Шундан келиб чиқиб, олий ўқув юртларида бажарилаётган битирув
малакавий ишлар ва магистрлик диссертацияларида соҳа ва ишнинг
мавзусидан келиб чиққан ҳолда инвестицияларга оид масалаларни ўрганиш
орқали ёш мутахассисларда юқорида таъкидланган кўникмаларни
шакллантириш – меҳнат бозорида рақобатбардош кадрлар тайёрлаш
борасидаги муҳим қадамдир.
Услубий кўрсатмадан асосий мақсад – битирувчи талабаларда
инвестиция фаолияти, хорижий инвестицияларни жалб қилишнинг илмий -
услубий асослари, хорижий инвестицияларнинг иқтисодий самарадорлигини
аниқлаш усуллари, кичик бизнес ва хусусий тадбиркорликка хорижий
инвестицияларни жалб этиш йўналишлари бўйича талабаларнинг йўналиш
профилига мос билим, кўникма ва малакаларини битирув малакавий ишида
шакллантиришдир.
Услубий кўрсатмадан фойдаланиш жараёнида амалга ошириладиган
асосий вазифалар – битирув малакавий ишида талаба ўз ихтисослик
йўналишидан келиб чиқиб, инвестицияларнинг соҳа ривожланишидаги
аҳамиятини, инвестицияларга ва инвестицион фаолиятга доир Ўзбекистон
Республикаси қонунчилигини, инвестиция муҳити, унинг жозибадорлик
даражасини аниқлаш, инвестицияларни жалб этиш бўйича таклиф ва
тавсиялар ишлаб чиқишдан иборат.
Услубий кўрсатма Олий таълимнинг барча бакалаврият йўналишлари
талабаларига битирув малакавий ишида фойдаланиш учун тайёрланган.
Do'stlaringiz bilan baham: |
