Н и з о м и умумий қоидалар

Муҳаммад ал-Хоразмий номидаги Тошкент ахборот технологиялари университетининг “Энг яхши гуруҳ мураббийи” кўрик танлови
Н И З О М И


1. Умумий қоидалар
1.1. “Энг яхши гуруҳ мураббийи” кўрик танлови (кейинги ўринларда-Танлов) нинг асосий вазифаси талаба-ёшлар онгига миллий ғояни сингдириш, уларни миллий ва умумбашарий қадриятлар асосида тарбиялаш, халқимизнинг бой маънавий мероси билан таништириш ва уни асраб авайлаш, буюк аждодларимизга нисбатан ҳурмат-ифтихор туйғусини уйғотиш ҳамда бу борадаги турли хил маънавий-маърифий тадбирларни самарали усуллар билан ташкил этиш ва ўтказишни кенг йўлга қўйиш бўйича гуруҳ мураббийларининг билим, амалий кўникма ва малакаларини аниқлашдан иборат.
1.2. Танлов университет томонидан намунали, энг илғор гуруҳ мураббийларини аниқлаш, уларнинг иш тажрибаларни оммалаштириш ҳамда моддий ва маънавий рағбатлантириш мақсадида ўтказилади.
1.3. Мазкур Низом танловни ташкил этиш ва ўтказиш тартибини, гуруҳ мураббийларининг ўз гуруҳидаги талабалар билан олиб борадиган таълим - тарбия соҳасидаги билим, амалий кўникма ва малакаларини баҳолаш мезонларини белгилайди.
1.4. Танловда университетнинг барча гуруҳ мураббийлари мазкур Низомда кўрсатилган талаблар асосида қатнашиш ҳуқуқига эга.


2. Танловни ўтказиш муддати ва тартиби
2.1. Танлов ҳар ўқув йилида қуйидаги тартибда ўтказилади:
1) Танловнинг кафедра профессор-ўқитувчилари ўртасида ўтказиладиган 1-босқичи: янги календар йил февраль ойининг биринчи декадасида; 2- факультет босқичи: февраль ойининг иккинчи декадасида кафедраларда ғолиб деб топилган профессор-ўқитувчилар ўртасида ўтказилади. Ҳар бир факультетдан ғолиб бўлган гуруҳ мураббийи танловнинг университет миқёсидаги 3-босқичда қатнашиш ҳуқуқига эга бўлади;
2) Танловнинг 3-университет босқичи февраль ойининг учинчи декадасида ўтказилади.


3. Танловнинг 1- ва 2-босқичини ташкил этиш ва ўтказишни бошқариш
3.1. Факультетларда танловнинг 1- ва 2-босқичлари факультет декани раҳбарлигида ташкил этилади. Танлов ғолиблари баённомалар расмийлаштирилган ҳолда тақдим этилади.