Н и з о м и умумий қоидалар

4. Танловнинг 3-босқичини ўтказишни ташкил этиш
4.1. Танловнинг 3-босқичини ўтказиш учун университет Ишчи гуруҳи тузилади.
4.2. Танловнинг 3-босқич кўрсаткичлари:
- Гуруҳ мураббийи иш фаолиятига тегишли меъёрий ҳужжатлар мавжудлиги, уларнинг тўғри тузилганлиги, тасдиқланганлиги ва ижроси (маънавий-маърифий ишлар режаси, ахборот соатлари материаллари, мураббийлик соатлари режаси ва материаллари, гуруҳ талабалари тўғрисидаги статистик маълумотлар 10 та жадвал);
- 1 та маънавий-маърифий тадбир, 1 та “Ахборот ва мурабийлик соати”нинг ишланмаси;
- замонавий гуруҳ мураббийини қандай тасаввур қилиши бўйича гуруҳ мураббийининг тақдимоти;
- ўз гуруҳи талабаларининг оилавий аҳволи, ота-онасининг яшаш манзили, ҳозирги яшаш жойи (ижарада яшаётган бўлса унинг эгаси), ўқиш жараёни, машғулотларга қатнашиши тўғрисидаги маълумотларга эгалиги;
- гуруҳ мураббийининг талабалар ўртасида ҳуқуқбузарликларни олдини олиш бўйича ўтказган профилактик тадбирлари, уларнинг бўш вақтларини мазмунли ташкил этиш бўйича амалга оширган ишлари ҳамда ижарада яшовчи талабалар билан ишлаш режаси ва ҳисоботининг мавжудлиги;
- гуруҳ мураббийининг жамоат ташкилотлари билан ҳамкорликдаги фаолияти;
- гуруҳ мураббийи томонидан очиқ “Ахборот ва мураббийлик соати”ни ўтказилиш тартиби бўйича эксперт ҳулосаси;
- ахборот ва мураббийлик соатлари учун қўшимча материаллар (тақдимотлар, аудио ва видеороликлар)нинг мавжудлиги, уларнинг ўз вақтида ўтказилганлиги, самараси ҳамда гуруҳда соғлом маънавий муҳит яратилганлиги;
- талабаларни университет ва республика миқёсидаги турли танлов, кеча, кўргазма, мусобақа ва ОАВларидаги иштирокини таъминлаганлиги
4.3. Танловда ғолиблик 1- 2- 3-ўринлар бўйича белгиланади. Ҳар бир ўринга фақат 1 нафар гуруҳ мураббийи ғолиб сифатида танланади.
Агар 3-босқич ғолибларни аниқлашда гуруҳ мураббийларининг тўплаган баллари тенг келиб қолса, танлов қўшимча саволлар берилиб, ғолиб аниқлангунча давом эттирилади. Бунда баҳс очиқ ҳолатда ўтказилади.
4.4. Ҳакамлар ҳайъати кўрик-танловни юқоридаги топшириқлар бўйича баҳолайди.
4.5. Натижаларни баҳолаш бевосита танлов жараёнида ўтказилади ҳамда қатнашчиларга эълон қилинади.