N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Spirtda fiksatsiyalangan chayonni qisqich bilan olib Petri idishiga solib, qo’l lupasi yordamida tashqi tuzilishi va tashqi organlarini kuzating. Bosh tomonida juft tepa ko’zlarini va yon tomondagi ko’zchalarni toping. Xelitsera, pedipalp va yurish oyoqlarini tuzilishiga e’tibor bering. Tana bo’limlari chegarasini aniqlang.

2-ish. Qo’l lupasi yordamida chayonni qorin tomonini kuzatib, undagi taroqsimon o’simtalarni, jinsiy teshik qopqoqchalarini va stigmalarini toping. Tananing oxiridagi telsonga va uchli nayzasiga e’tibor bering.

3-ish. Chayonning tashqi tuzilishi, orqa va qorin tomonlardan ko’rinishi rasmlarini chizing hamda ifodalab qo’ying.

4-ish. Spirtda fiksatsiyalangan falangani qisqich bilan Petri idishiga o’tkazing va qo’l lupasi yordamida boshko’krak va qorin bo’limlarini, gavda segmentlarini hamda xelitseralarini tuzilishiga e’tibor bering. Falanga tanasining umumiy tuzilishi rasmini chizing va gavda qismlari hamda organlarini ifodalab qo’ying.

5-ish. Spirtda fiksatsiyalangan iksod kanasini qisqich yordamida soat oynasiga o’tkazib, ustiga bir necha tomchi suv tomizib, uni binokulyar mikroskopida kuzating. Kana tanasining bo’g’imlarga bo’linmaganligiga, sanchib-so’ruvchi og’iz organiga (xartumchaga) va erkak ham urg’ochi kanalarning qoplovchi kutikulalariga e’tibor bering.

Kananing umumiy tuzilishi va xartumchasi tuzilishini rasmini chizing hamda ifodalab qo’ying.