N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Formalinda fiksatsiya qilingan qisqichbaqani qisqich bilan olib, toza suvda yuving va parafinli vannachaga qo’yib, urg’ochi yoki erkak jinsligini aniqlang hamda qo’l lupasi yordamida gavda bo’limlari chegaralariga e’tibor bering.

2-ish. Qisqich yordamida qisqichbaqaning ko’krak va qorin qismlaridagi oyoqlarini bir tomonini eng oxirgisidan boshlab ajratib olib, bir varaq karton qog’ozi ustiga tartib bilan qo’yib chiqing. Oyoqlarni ajratib olish vaqtida qisqichbaqa erkak bo’lsa, uning 1-2-juft qorin oyoqlarining tuzilishiga, agar urg’ochi jins bo’lsa, 1-juft qorin oyoqlarning rivojlanmaganligiga e’tibor bering.

3-ish. Qisqichbaqaning bosh qismidagi jag’larni, antenna va antennulalarini ajratib olishda qo’l lupasi bilan kuzatib borish kerak, chunki ular juda kichik bo’ladi va xatolikka yo’l qo’yish mumkin. Ajratib olingan ushbu organlarni ham tartib bilan karton qog’ozi ustiga qo’yib, lupa yordamida ularning tuzilishini o’rganing. Qisqichbaqaning karton qog’oziga joylashtirilgan bosh organlari va barcha oyoqlarni tartib bo’yicha raqamlar bilan belgilab chiqing. Ushbu organlarni karton qog’oziga yelimlab yoki ip bilan tikib, yon tomoniga nomlarini yozib qo’ying.

4-ish. Boshko’krak qismining qalqonini ikki yon tomonidan qirqib, ajratib oling va oyoqlar qo’yilgan karton qog’ozga joylashtiring. Gavda oxirgi segmentining qorin tomonida joylashgan anal teshigini toping.

5-ishyo. Daryo qisqichbaqasining oyoqlarini va ichki tuzilishi rasmini daftaringizga chizing va har bir organ va qismlarni raqamlar bilan belgilang va ularni ifodalang.