N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

3-ish. Foraminiferalarni o’rganish. a) Laboratoriyada oldindan quritib qo’yilgan dengiz osti qumining biroz qismi Petri idishiga solinib yoyiladi. So’ng uni MBS-1 binokulyar mikroskopida ko’riladi. Qum zarrachalari oralig’i sinchiklab ko’zdan kechiriladi. Topilgan foraminifera to’g’rilagich igna yordamida terib, buyum oynasi ustiga qo’yiladi. Agar igna bilan olish qiyin bo’lsa, uning uchi mum yoki plastilinga sanchib olinib, keyin suvga botirilsa, ignaning uchiga chig’anoq oson yopishadi.

b) Buyum oynasi ustidagi chig’anoqlarga bir tomchi suv tomizilib, oyoqchali qoplag’ich oynacha bilan qoplanadi. Ushbu preparat mikroskopning kichik va katta obyektivlarida ko’riladi. Preparatdagi chig’anoqlarning shakli va katta-kichikligiga, undagi teshikcha (pora)larga e’tibor bering.

c) Mikroskopda ko’rilgan turli-tuman chig’anoqlarni ixtiyoringizdagi qo’llanma, jadvaldagi rasmlarga qarab, ularni turini aniqlashga harakat qiling. Ko’rilgan chig’anoqlarni rasmini daftaringizga chizing va izoh bering.