N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

c) Gregarinani sizigiylarini ham izlab toping va ko’payishini rasmini chizing.

2-ish. a) Koksidiyaning oosistalarini o’rganish uchun quyon ahlatidan biroz qism olib, stakanchaga solinadi va ustiga tuzli eritma quyilib aralashtiriladi. Bunday eritmada oosistalar suv betiga qalqib chiqadi.

b) Suv betidagi oosistalar ingichka mis simdan diametri 0,5 sm qilib yasalgan doira shaklidagi ilgakcha yordamida ilib olinadi va buyum oynasiga bir tomchi tomizilib, qoplag’ich bilan yopiladi.

c) Tayyorlangan mikropreparat mikroskopning katta obyektivida ko’riladi. Oosistalar topilib, uning ichki tuzilishiga e’tibor beriladi. Oosista ichida sporalar va sporozoitlar aniqlanadi.

g) Koksidiyaning oosistalarini tuzilishi va hayot siklidagi jinssiz, jinsiy va sporogoniya jarayonlarini sxematik rasmi chiziladi va izohlab qo’yiladi.