N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish
Tripanosoma va leyshmaniyani mikroskopning immersion obyektivida ko’rish.

1-ish. Tripanosomali tayyor bo’yalgan mikropreparatlari ustiga bir tomchi kerd yog’i tomizilib, immersion (90^x) obyektivga o’tkaziladi, parazitlarni topib, tuzilishi o’rganiladi. Preparatda juda ko’p sondagi qizil qon hujayralari (eritrositlar) orasida gavdasi uzun nashtarsimon, ikkala uchi o’tkirlashgan, binafsha yoki havo rang tripanosomalarni topib, uning to’lqinlanuvchi membranasi hamda ichki tuzilishini o’rganish lozim. Tanasidagi xivchini va yadrosini topishga harakat qiling.

2-ish. Leyshmaniyalarni ham xuddi tripanosomadagidek uslublarni qo’llab, ularning tuzilishiga e’tibor bering. Bo’yalgan tayyor preparatda leyshmaniyaning sitoplazmasi och ko’kimtir yoki havo rang, yadrosi esa to’q binafsha rangda bo’ladi. Ichki qismida bazal tanacha va kinetoplastni toping.

3-ish. Tripanosomani umumiy tuzilishi va metasiklik bosqichlarda tuzilish shakllari rasmlarini daftaringizga chizing.

Leyshmaniyani umurtqali va umurtqasiz hayvonlar tanasidagi morfologik shakllarini ham daftaringizga chizib qo’ying.

Mustaqil ish topshiriqlari

1. Hayvonsimon xivchinlilarning asosiy xususiyatlari va sistematikasi.

2.Tripanosomaning tuzilishi va ahamiyati.

3. Leyshmaniyaning turlari, tarqalishi va ahamiyati.