N. E. Avezov, Sh. K. Ismailov, B. G’. Samandarov, “Elektronika va sxemalar 1” fanidan O’quv qo’llanma

ISIS Proteus dasturi. Labcenter Electronics kompaniyasining (rasmiy web sayti http://www.labcenter.com). Proteus dasturiy ta’minoti elektron qurilmalarni loyihalovchilarning avtomatlashtirilgan ish o’rni bo’lib, eng avvalo elektron qurilmalar ishini o’rganishda amaliy animatsion va simulatsion texnologiyadan mustaqil foydalanish imkonini beradi. Bu dasturiy kompleks ISIS va ARES dasturlarini hamda ko’plab zamonaviy mikrokontrollerlarning simulyatsion modellari va ularni dasturlash vositalarini o’z ichiga oladi. ISIS dasturi yordamida interaktiv rejimda har qanday murakkablikdagi analog yoki raqamli elektron qurilmani uning printsipial sxemasi asosida tadqiq etish, sxemaga kerakli o’zgartirishlar kiritish, yoki mikrokontrollerli qurilmalarning dasturini tekshirish, kerakli o’zgartirishlarni kiritish mumkin.

Ushbu dasturiy paketning o’ziga xos xususiyati - mikrokontrollerlar, mikroprotsessorlar, suyuq kristalli indikatorlar, temperatura datchiklari, virtual portlar va o’lchash qurilmalarini real vaqt mobaynida modellashtirish imkonining mavjudligidir. Shuningdek komponentlar bibliotekasi turli ma’lumotlar beradigan yordamchi adabiyotdan tarkib topgan. Shunga o’xshash dasturiy paketlarda bunday imkoniyatlardan hamma vaqt ham foydalanib bo’lmaydi.

Proteus tizimi ikki tarkibiy qismdan tashkil topgan:

• 
  Proteus VSM Simulator (ISIS) — elektron sxemalarni real vaqt mobaynida modellashtirish, tahlil qilish va tuzatish kirituvchi dastur;
  
• 
  Proteus RSV Design (ARES) — montaj platasini ishlab chiquvchi dastur.
  

Mikrokontrollerlar bazasidagi qurilmalar sxemalari va ular uchun yozilgan dasturning ishlash qobiliyatini tekshirish va imitatsiya qilish uchun faqat Proteus ISIS paketi talab qilinadi.

Proteus dasturining oxirgi versiyasini Labcenter Electronics saytidan sotib olish mumkin.

Dasturiy paketning asosiy muhiti quyidagi elementlardan va darchalardan iborat (7-rasm):