N avoiy davlat pedagogika instituti

III. BOB. MS ACCESS 2010 DA MAKROSLAR VA SO‘ROVLAR BILAN ISHLASH
3.1-§. Microsoft Access 2010 da berilgan ma’lumotlar qidirish va saralash……..…23

3.2-§. Microsoft Access 2010 da makroslar bilan ishlash………………………...…30

IV BOB. MICROSOFT ACCES 2010 DA MATEMATIK AMALLAR, FUNKSIYALAR VA ULARDAN FOYDALANISH
4.1-§. Microsoft Acces 2010 da matematik amallar va funksiyalarning berilishi…...44

4.2-§. Microsoft Accesd 2010 da munosabat va mantiqiy amallardan foydalanish…47

KIRISH

Axborot texnologiyalarining rivojlanishi va axborot oqimlarining tobora ortib borishi hamda ma’lumotlarning tez o’zgarishi kabi holatlar insoniyatni bu ma’lumotlarni o’z vaqtida qayta ishlash choralarini topishini taqozo etadi.  Ayni paytda, axborotlarni kompyuterlarda qayta ishlash kun sayin rivojlanib, jamiyatning barcha jabhalariga kirib bormoqda. Shu bois, kompyuterda ma’lumotlarning saqlanishi va u bilan bog‘liq bilimlarga ega bo‘lish muhim hisoblanadi. Ma’lumotlarni saqlash, uzatish va qayta ishlash uchun ma’lumotlar bazasini yaratish, undan foydalanish bugungi kunda dolzarb bo‘lib qolmoqda. Kompyuterdagi ma’lumotlar- ma’lumotlar bazasida saqlanadi. Ular maxsus dasturlar - ma’lumotlar bazasini boshqarish tizimlari yordamida boshqariladi.

Shu bois, ma‘lumotlarni boshqari, ya‘ni, ularni ma‘lum bir texnologiya asosida yig‘ish, saqlash, qayta ishlash va uzatish muhim muammo hisoblanadi. Bu muammoni yechimi, ma‘lumotlarni ishlash jarayonidagi yondashishning yangi texnologiyani keltirib chiqardi. Bu texnologiyaning asosini ma‘lumotlar bazasi tashkil etadi. Ma‘lumotlar bazasidan foydalanish o‘zaro bog‘langan ma‘lumotlar to‘plamlariga kirishni, ulardan foydalanish hamda ishlashni avtomatlashtiradi, ma‘lumotlarni yangilashni va keraksizini o‘chirish kabi amallarni avtomatlashtirishni ta‘minlaydi. Ushbu amallarni Microsoft Access da samarali amalga oshirish mumkin.

Ammo, MS Access, jumladan MS Access 2010 ni o‘qitishda lotin alifbosiga asoslangan o‘zbek tilidagi o‘quv adabiyotlarning yetishmasligi seziladi. Shuning uchun ushbu uslubiy qo‘llanma o‘quvchi - yoshlarning foydalanishi uchun tavsiy etilmoqda. Qo‘llanma MS Access 2010 ni o‘rganishni boshlayotganlarga mo‘ljallangan bo‘lib, u to‘rtta bobdan iborat: birinchi bobda ma’lumotlar bazasini boshqarish tizimlari va MS Access 2010 da ma’lumotlarni tahrirlashga oid ma’lumotlar berilgan; ikkinchi bobda Microsoft Access 2010 da jadvallarni bog‘lash, saralash va formalar hosil qilish usullari keltirigan; uchinchi bobda Microsoft Access 2010 da makroslar va so‘rovlar yaratish usullari haqida ma’lumotlar berilgan; to‘rtinchi bobda Microsoft Acces 2010 da matematik amallar, funksiyalar va ulardan foydalanib, amallar bajarib ko‘rsatilgan.