Н. А. Самиғов, Ф. Д. Жўраева, Сайдуллаев А. Б

26.2-расм. Тўрт валикли каландрнинг ишлаш схемаси: 
а) Г-шаклидаги каландр; б) Z-шаклида каландр. 
Каландр конструкцияси ишлов бериладиган пластиклик массанинг 
хилига қараб (резина ёки термопластлар) танланади. Маҳсулот юзаси текис 
бўлиши учун ишчи валиклар юзаси жилоланади ва полировкаланади. 
Каландр валиклари буғ ёки электр токи ёрдамида иситилиши мумкин. 
Экструзия
усулида полимер материаллар қиздирилган массани 
мунштук (шакл берувчи тешик) орқали сиқиб чиқариб шакл бериб 
тайёрланади. 
Экструзия усулида профилли узун ўлчамли (погонаж) қувурлар, 
листлар, пленкалар, линолеумлар, пороизоллар ва бошқа қурилиш 
материаллари ва буюмлар ишлаб чиқарилади. Бу усулда диаметри Ф 5-20 мм 
қувурлар, эни 0,3-1,5 м ли пленка ва листлар ва бошқа ўлчамдаги буюмлар 

---

442 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
тайёрлаш мумкин. Экструзия машиналари икки турда бўлади: шнекли (бир 
ва бир неча) ва босим остида ишлайдиган шприц экструдерлар. 
Шнекли ёки червякли экструдерлар пластмасса ишлаб чиқаришда кенг 
тарқалган (26.3-расм). Экструзия машиналарининг ишчи органи винт ёки 
червяк бўлиб, пластик массани синчиклаб аралаштирилади ва винт ҳаракати 
натижасида босим остида мунштукдан сиқиб чиқариб, шакл беради. 
Пластмасса ҳом ашёси экструдерга гранула, бисер ёки кукун кўринишида 
солинади ва машина ташқи қобиғи ичига ўрнатилган махсус иситкичлар 
ёрдамида қиздириб юмшатилади. 
26.3-расм. Экструзия машинанинг ишлаш схемаси 
1-солиш бункери; 2-шнек; 3-головка; 4-калибрловчи мослама; 5-массани 
тортувчи мослама; 6-дорн; 7-филтр. 
Пресслаш усулида
пластмасса ишчи органи қиздириладиган прессларда 
тайёрланади. Пресс қолипларда пресс кукунлар иссиқ ҳолатда прессланиб 
ёки кўп қатламли пресс қолипларда листлар, плиталар ва панеллар бир 
нечтаси прессланиб олиниши мумкин (26.4-расм). Бу усулда буюм ва 
конструкциялар одатда термореактив полимер боғловчилар асосида 
тайёрланади. Масалан, фенопластлар, аминопластлар, ёғоч толали ва 
пайрахали плиталар ва бошқалар.