Mysql ma’lumotlar bazasi serveri yunusov Xurshidjon – Qo’qon dpi fizika-matematika fakulteti

MySQL MA’LUMOTLAR BAZASI SERVERI

Yunusov Xurshidjon – Qo’qon DPI Fizika-matematika fakulteti

3 IO‘M yo‘nalishi talabasi

Hozirgi paytda statik dunyodan farqli ravishda, veb-sahifalar HTML, CSS (Cascading Style Sheets — stillarning kaskad jadvallari) va JavaScript kabi mijoz texnologiyalari yordamida yaratilmoqda. Birinchi dinamik saytingizni yozish uchun ikkita majburiy dasturiy paket mavjud bo’lishi va ularni yaxshi o’zlashtirgan bo’lishingiz kerak, ular- PHP va MySQL ma’lumotlar bazasi (MB) serveridir.

Bizga ma’lumki, MySQL ma’lumotlar bazasi (MB) serveri – bu katta hajmdagi axborotlarni strukturalangan ko‘rinishda saqlash va PHP skript tili yordamida unga kirish imkonini beruvchi dastur hisoblanadi. Ular mijoz dasturlari so‘rovlariga javob beradi.

PHP – bu server tomonida ishlaydigan server tili hisoblanadi. Bu til nafaqat brauzerga so’ralayotgan fayllarning nusxasini jo’natibgina qolmay, balki turli masalalarni yechish uchun kichik dasturlarni - PHP-skriptlarni ishga tushirish imkonini beradi. Masalan, siz ma’lumotlar bazasidan yangi ma’lumotlarni olishingiz, uni veb-sahifa ko’rininshida shakllantirib, so’ragan brauzerga jo’natishingiz mumkin.

PHP ning bepul versiyalari mavjud bo’lib, ular ko’pgina masalalarni yechishga yaroqli hisoblanadi.

Server tillari ko’p jihatdan JavaScript ga o’xshaydi, ular ham kichik dasturlarni (PHP-skriptlarni) veb-sahifaning HTML kodiga joylashtirish imkonini beradi. Aytib o’tganimizdek, JavaScript (jumladan, HTML, CSS) tilida yozilgan kod esa mijoz tomonida ishlaydi.