Mysql haqida boshlang’ich tushunchalar

mysql> — Yangi buyruqni kutish.
-> — Ko‘p qatorli so‘rovlarni, keyingi qator buyruqlarini kutish(ko‘p hollarda bu belgi buyruq oxirida «;» belgisini yozish esdan chiqib qolganda sodir bo‘ladi).
‘ > — bittalik qo‘shtirnoq ochilib, qaytib yopilasa, shu xabar ekranga chiqadi.
«> — ikkitalik qo‘shtirnoq ochilib, qaytib yopilasa, shu xabar ekranga chiqadi.

Agar, so‘rov ishga tushmasdan oldin xato yozilgani maxlum bo‘lib qolsa, «\c» orqali boshlang‘ich holga qaytib kelish mumkin.

Hozircha shu, ma’lumotlar bazasiga ulanish, keyingi maqolalarda bo‘ladi.
MySQL MBBTda ma’lumotlar bazasi yaratish va u bilan ishlash
MySQL MBBTda ma’lumotlar bazasi bilan ishlashni boshlaymiz. Dastlab MySQL xizmatini yoqamiz va «root» foydalanuvchisi bilan ulanamiz(xizmatni yoqish va ulanish). Dastur o‘rnatilganda, MySQL bizga bir necha ma’lumotlar bazasini yaratib beradi. Bu bazalarni ko‘rish uchun, to‘g‘rirog‘i foydalanuvchiga tegishli nechta ma’lumotlar bazasi borligini bilish uchun «show databases» komandani teramiz.

Ko‘rib turganingizdek, mysql bizga to‘rtta ma’lumotlar bazasini yaratib bergan. Albatta, so‘rovlarni biz bitta bazaga beramiz, shuning uchun bittasini tanlab olishimiz lozim. Qaysi ma’lumotlar bazasi bilan ishlashimizni e’lon qilib qo‘yamiz. Buning uchun «Use» kalit so‘zidan foydalanamiz.

Demak xulosa, har safar MySQLga yangi ulanganda, ya’ni yangi sessiya ochilganda qaysi ma’lumotlar bazasi bilan ishlashimizni belgilab qo‘yishimiz lozim ekan. «USE» kalit so‘zidan keyin «;» shart emas ekan.
Keling endi, o‘zimiz biror ma’lumotlar bazasi yaratamiz, uning uchun «create database» so‘zlaridan foydalanamiz va bazaga nom beramiz.

Agar, yaratilayotgan baza nomi mavjud bo‘lsa, xatolik chiqadi, lekin «IF NOT EXISTS» kalit so‘zi orqali mavjud baza nomi ustiga ochish mumkin, bunda eski baza o‘chib ketadi.

Undan tashqari, butun boshli ma’lumotlar bazasi kodirovkasini ham, uni yaratishda berish mumkin. Bu holda agar jadvallar alohida kodirovka bilan yaratilmasa, barja jadvallar baza kodirovkasi bilan bir xil bo‘ladi.

Sizning MySQL versiyangiz qanday kodirovkani qabul qilishi mumkinligini bilish uchun «Show character set» buyrug‘ini berish kifoya qiladi.

Keyingi termin «Collate«. Bazadagi axborotlar qanday tartiblanishini belgilovchi termin. «Show Collation» buyrug‘i orqali barcha tartiblashlarni nomini ko‘rish mumkin. Baza yaratishda ham ko‘rsatib ketish mumkin. Bu haqida to‘liqroq keyingi maqolalarda berib borishga harakat qilaman.

Baza yaratildi, bu bazani barcha parametrlarini «show create database» buyrug‘i orqali ko‘rish mumkin.

Ma’lumotlar bazasi nomi 64 simvoldan oshmasligi, slesh(/) va nuqta (.) ishtirok etmasligi lozim.
Ma’lumotlar bazasi operatsion tizim turiga qarab, ma’lum bir joyda saqlanadi, chunki unga ham joy kerak.