Музқаймоқ ишлаб чиқариш лойиҳаси

Музқаймоқ ишлаб чиқариш лойиҳаси.
Режа:
Кириш
1. Кредитнинг иқтисодий мохияти ва функциялари.
2.Қишлоқ хўжалигида кредит ресурсларидан фойдаланиш йўналишлари
ва ўзига хос хусусиятлари.

3.Бизнес режа асосий бўлимларининг тавсифи

4.Музқаймоқ ишлаб чиқариш ускунасини сотиб олиш инвестицион лойиҳаси
Хулосалар
Фойдаланилган адабиётлар

Кириш
Корхона айнан инвестицион сиёсат ёрдамида иқтисодий ривожланишнинг узоқ муддатли тенденцияларига мослашиш учун ўз имкониятларини рўёбга чиқаради. Ҳар бир корхона ўз фаолиятини ташкил қилиши, кенгайтириши ва ривожлантириш ва инвестицияларнинг ўрни жуда катта аҳамиятга эга. Қишлоқ хўжалигида бозор иқтисодиёти тамойилларига жавоб берадиган ишлаб чиқариш ва хизмат кўрсатиш субъектлари шаклланмоқда. Ишлаб чиқаришга фан-техника ютуқларини, янги техникаларни ва илғор технологияларни жорий этиш ишлари йилдан-йилга жадаллашиб бормоқда. Чекланган ер ва сув ресурсларидан, капиталдан ва меҳнат ресурсларидан фойдаланиш самарадорлиги юксалмоқда.
Қишлоқ хўжалигида туб таркибий силжишларга эришиш республикамиз иқтисодиётининг юксалиши ва халқаро интеграциялашувини таъминлашнинг зарурий асосларидан бири эканлиги боис тармоқда кенг кўламдаги ўзгаришларни жадаллаштириш ва уни изчил давом эттириш масаласи аграр ислоҳотлар самарасини оширишни жиддий вазифа қилиб қўймоқда. Бунда мазкур ислоҳотларларни амалга ошириш негизида унинг молиявий таъминоти масаласи ўта муҳим аҳамият касб этади ва қишлоқ хўжалигининг тез орада жадал ривожланишини таъминлашда тармоққа кенг ҳажмдаги инвестицияларни жалб этиш ва инвестиция фаолиятини янада такомиллаштириш талабини қўяди.
Қишлоқ хўжалигида иқтисодий ўсишнинг барқарорлиги, ишлаб чиқаришдаги юқори самарадорликни, иш билан бандликни таъминлаш, аҳолини турмуш даражасини ошириш, асосий капиталга бўлган талабни қондириш каби мавжуд муаммоларнинг ижобий ечимини топишга тармоқда инвестицион фаолликни ошириш ва қишлоқ хўжалиги корхоналарининг инвестиция фаолиятини молиялаштириш механизмини такомиллаштириш орқалигина эришиш мумкин.