Muzaffarova vazira shuxrat qizi samarqand viloyatining botanik tabiat yodgorliklari, biologiyasi va ularni

Ilmiy  va  amaliy  ahamiyati.  Samarqand  viloyati  botanik  tabiat 

yodgorliklarining  aksariyati  yuz  yillar  oldin  keltirilib,  Samarqand  viloyatiga 

introduksiya  qilingan  va  viloyat  sharoitiga  moslashtirilgan.  Dastlabki  keltirilgan 

yuztacha  turdan  hozir  20  ta  turning  tuplari  saqlangan.  Ko’pchilik  turlar 

moslashmaganligi  uchun  va  umri  qisqaligi  tufayli  nobud  bo’lgan.  Qrim  qarag’ayi 

(Pinus  pallasiana),  virjiniya  archasi  (Juniperus  virginiana),  gledichiya  (Gleditschia 

triacanthos),  yapon  soforasi  (Sophora  japonica),  jo’ka  (Tilia  cordata),    bo’ychan 

aylant  (Ailanthus  altissima)lar  sharoitga  juda  moslashgan  va  tabiiy  holda  bemalol 

urug’idan  ko’paymoqda.  Shahar  va  boshqa  aholi  yashash  joylarini 

ko’kalamzorlashtirishda  foydalaniladi. 

 

Tadqiqot  natijalaridan  Geobotanika,  Dendrologiya,  Botanika,  Ekologiya  va 

tabiatni  asrash,  O’simliklar  ekologiyasi  fanlarini  o’qitishda  qo’shimcha  mahalliy 

material  sifatida foydalanish  mumkin. 

 

Samarqand  sayyohlar  shahri,  ya’ni  qadimiy  yodgorliklari  bilan  mashhur. 

Tadqiqotning  amaliy  ahamiyati  shundaki,  Samarqand  shahriga  kelayotgan 

sayyohlarga  viloyat  tabiati  va  shu  qatorda  asriy  daraxtlar,  Amir  Temur  va 

Shayboniylar  sulolasi  davrida  ekilgan  chinorlar,  XIX  asrning  so’nggi  choragida 

introduksiya  qilingan  va  iqlimlashtirilgan  ayrim  turlarining  asriy  tuplari  haqida 

---

8 

 

ma’lumot  berish,  ularni  qiziqtirishdir.  Bir  so’z  bilan  aytganda,  tadqiqot 

natijalaridan  turizm  sohasida foydalanish mumkin.