Muxammad al-xorazmiy nomidagi toshkent axborot texnologiyalari universiteti samarqand filiali abdukarimov a., Kubayev s. T

1-amaliy mashg’ulot. Ishlab chiqarish sohasida qo’llanadigan dasturiy paketlar

Boshqarish tizimlarning pastki darajasi – ofis darajasi. Ofisda qo’llanadigan operatsion tizimlar, MS Office paketlar, ma’lumot bazalari, ekspert tizimlar va avtomatlashtirilgan loyihalash tizimlari.

Boshqarish tizimlarining ikkinchi darajasi – departament darajasi. Departament doirasida qo’llanadigan dasturiy paketlar: ichki va tashqi hujjat almashish paketlar, ish kuchiga tegishli tashkiliy dasturlar, biznes jarayonini yuritishda yordam beradigan va foydani aniqlaydigan dasturlar.
Boshqarish tizimlarning yuqori darajasi – ma’muriyat darajasi. Davlat korxonalari va idoralari, banklarni, moliyaviy idoralarni va ishlab chiqarish korxonalarni rejalashtirish, sof foydani hisoblash, sarmoyalarni jalb qilishda va ularni unumli ishlatishda yordam beruvchi amaliy dasturlar.
Axborot texnologiyalari faqat fan va texnika hodisasi bo’lmasdan, iqtisodiy rivojlanishning muhim omiliga aylanmoqda. Axborot bilan qamrab olinmagan biror muhim xo’jalik sektorini (ishlab chiqarish, transport, kredit-moliya sohasi, savdo) misol keltirish qiyin. Ayni paytda kompyuterlar va aloqa vositalari asosida axborotni to’plash, saqlash va taqdim etishning zamonaviy usullari, yangi axborot texnologiyalari va xizmatlarni sotish (tarqatish) maqsadlarida ishlab chiqarish mustaqil tarmoq sifatida shakllandi va ajralib chiqdi. Shunday qilib, xalq xo’jaligini axborotlashtirish kelgusiga yorib o’tish demakdir: Biznes sohasi. Bank sohasi, Robototexnika sohasi va boshqalar Ishlab chiqarish sohasi.
Ishlab chiqarishning deyarli barcha sohalarida kompyuterlar qo’llanilib kelmoqda. Kompyuterlar ko’pgina texnologik jarayonlarni boshqarmoqda. Ular yordamida yangi mahsulotning chizmasini yaratishdan toki tayyor mahsulot bo’lib chiqqunga qadar bo’lgan barcha jarayonlarni avtomatlashtirish mumkin.
IATning katta kompaniyalarda ishlatilishi
Ishlab chiqarishda qo’llanadigan IAT quyidagi sohalarda qo’llanishi mumkin.
1) yig’ish uchun belgilangan ishlab chiqarish (elektronika, mashinasozlik),
2) tajribaviy va kichik seriyali ishlab chiqarish (aviasozlik),
3) ketma-ketlik ishlab chiqarish (metallurgiya),
4) uzuliksiz ishlab chiqarish (gaz va neft sanoati, ximiya).
Asosiy qo’llanadigan texnologiya “klient-server”, ma’lumotni qayta ishlash jarayoni ajratilgan server va ishchi stansiyalar orasida taqsimlanadi.
IAT katta korxonalarga mo’ljallangan paketlarni bozorga taqdim etadigan eng mashhur xorijiy kompaniyalar: SAP, Oracle, People Soft, Baan, Lanit va Ross Systems.
Katta IAT paketlar 9-12 oy davomida tayorlanadi, narxi 500.000 dollar va undan ortiq bo’lishi mumkin.