Mustaqillik darsi

V. “O’zbekiston mustaqilligi 26 yilligi” videofilm namoyish etiladi. (15 daqiqa)

Darhaqiqat, inson tabiatning gultoji sifatida hamisha ozodlik va hurriyatga intilib yashaydi. U qalbida o’zini hamisha har jihatdan erkin his qilishga, tahlikasiz turmush kechirishga ehtiyoj sezadi. Shuning uchun ham kishilik tarixi turli davrlarda yer sharining barcha mintaqalarida ozodlik uchun kurashning, shaklan turlicha, mohiyatan o’xshash bo’lgan hurriyatga intilish hodisalarini ko’p ko’rgan.

Ho`sh, mustaqillikning o’zi nima? Istiqlol nimalarga asoslanadi va uning mazmun mohiyati nimalardan iborat?
“Mustaqillik” - bu tenglik sari qo’yilgan birinchi qadam, chunki tenglik bo’lmagan joyda kimdir, kimgadir tobe` bo’ladi. Mutelik bor joyda hukmronlik , o’zgalar hisobiga yashash kabi illatlar paydo bo’ladi. Natijada biz so’nggi bir yarim asr mobaynida boshimizdan o’tkazgan mustamlakachilik dunyoga keladi.

“Tenglik” - so’zining qudrati shundaki u odamlarning o’zaro munosabatlaridan tortib mamlakatlararo munosabatlargacha hamma narsani me’yor-mezonga soladi turli kamsitishlar va ortiqcha ta`zimlarga chek qo’yadi.

“Istiqlol” - o’zaro hurmat, bir birini tan olish, bir birini qadrlash mamlakat fuqarolari o’zaro munosabatida ham, ana shu umuminsoniy qadryatlarga tayanish, ana shu umumiy mezonlar asosida yashash demakdir.
“Mustaqillik” - jamiyatdan ajralmagan holda dunyo muammolari va o’z taqdiri bilan bog’liq bo’lgan istiqbol haqida o’ylashdir.