Murtazayev saidmurodxon saidaloyevich murtazayev saidalo murtazayevich bolalar fakultet terapevtik

O`tkir diffuz pulpit
. Faol yallig`lanish jarayoni asosan tish toj pulpasini qamrab olgan 
bo`lib, ildiz pulpasi, ba’zan periodont to`qimasi ham perifokal yallig`lanish jarayoniga 
qo`shilgan bo`ladi. O`tkir o`choqli pulpitdan so`ng 2-3 kun o`tgach sodir bo`lishi 
mumkin. Bemor shikoyati - Kechasi kuchayuvchi, ovqat yeganda chidab bo`lmas 
darajadagi og`riq.Bemor ish, o`qish faoliyatini yo`qotadi. Og`riq butun jag`ni qamrab 
oladi, uch shoxli nerv tolasi bo`yicha tarqaladi. Og`rigan tish yuqori jag`da joylashgan 
bo`lsa – og`riq ko`z, qovoq, qosh, quloq va peshona bo`ylab tarqaladi. Tish pastki 
jag`da joylashgan bo`lsa – og`riq lablar, quloq va ensa sohasiga tarqaladi. Ob’ektiv 
ko`rik (St. localis ) chuqur kariyes kovagi, kovak ovqat qoldiqlari bilan to`lgan.Dentin 
qavat yumshagan, rangi o`zgargan. Zond yuritilganda butun kariyes kovagi sathi 
bo`ylab kuchli og`riq seziladi. Perkussiya kuchsiz og`riqli bo`lishi xarakterli. EOD – 
60-90-100 mkA. Harorat ta’sirida keskin og`riqli. Qiyosiy tashxis o`tkir o`choqli 
pulpit, o`tkir periodontit, o`tkirlashgan surunkali periodontit, uch shoxli asab tolasining 
nevralgiyasi va konkrementoz pulpit bilan o`tkaziladi. O`tkir o`choqli pulpit uchun 
xurujli og`riqlar orasida uzun intermissiyalar 3-4 kun davomida aniqlanadi. . Zond 
yuritilganda kariyes kovagining bir nuqtasida og`riq seziladi. EOD -20-35 mkA, 
perkussiya og`riqsiz. O`tkir periodontit va o`tkirlashgan surunkali periodontitlarda 
uzluksiz kuchayib boruvchi og`riq, tish o`sib qolganga o`xshaydi, zondlaganda 
og`riqsizligi,perkussiya keskin og`riqli, tish rangi o`zgarganligi, anamnezda avval 
og`riqlar bo`lgani kabi simptomlar aniqlanadi. EOD -100 va undan ortiq mkA. Rengen 
tasvirda ildiz cho`qqi teshigi atrofidagi suyak to`qimasida osteoparoz, osteolizis – 
periodontitlarga xos o`zgarish aniqlanadi. Uch shoxli asab tolasi nevralgiyasi uchun 
keskin, qo`qqisdan sodir bo`ladigan kuchli og`riq, uch shoxli asab tolasi yo`nalishidagi 
yuz terisining qizarishi, ko`z yoshlanishi, og`riq sodir qiluvchi tepkili 
nuqtalarmavjudligi xarakterlidir.