Муратов Д., Алимова М., Каримов Ж., Нажмиддинов Ж., Жўраев Ш. Диншунослик ўзбекистон республикаси

АША ВАХИШТА – зардуштийликда адолат, ҳақиқат маъбу­ди, Ахура Мазда тарафдори.
АШВИНА ВА САВИТАР – Ҳинд ҳаво худолари.
БАРАШНУМ – зардуштийликда жасадни кўтарган ва юв­ган кишиларнинг узоқ вақт давомида итлар ёрдамида амалга ошириладиган покланиш маросими.
БАР–МИЦВА (ибр., «буюрилган амрлар ўғли») – яҳудийликда 13 ёшга тўлган ўғил бола, балоғат ёшига ет­гани муносабати билан ўтказиладиган маросим.
БИБЛИЯ (юнонча, «китоблар») – яҳудийлик ва христиан­лик динларидаги асосий муқаддас манбанинг номланиши. Яҳудийлар «Библия»си «Китве кадеш» ва «Танах» ҳам деб номланади. Христианлар томонидан тан олинадиган «Би­блия» «Қадимги Аҳд» ва «Янги Аҳд»дан иборат бўлиб, умумий ҳисобда 66 китобдан иборат.
БИБЛИЯ ЖАМИЯТИ – «Библия»нинг алоҳида қисмларини ёки тўлалигича дунё тилларига таржима қилиш билан шуғулланадиган жамиятлар номи. Бундай жамиятлар би­рор бир диний конфессияга қарашли бўлмай, буюртма асосида ишлайди. Илк «Библия» жамияти 1804 йилда Британияда тузилган. Ҳозирда дунё бўйича 140 дан ортиқ шундай жамиятлар мавжуд.
БОДДҲИСАТТВА – худонинг нури, олий камолотга эриш­ган ва нирванага кўтарилиш ҳуқуқига эга бўлган инсон.
БОЗКУРТ – Қадимий туркий тилда «Кулранг бўри» маъно­сида келиб, тангричиларнинг тотеми бўлган.
БРАХМАН – санскрит тилидан олинган бўлиб «Брахмага аталган, ўзини бағишлаган», деган маъноларни билдира­ди.
БУТУНЖАҲОН СОБОРЛАРИ – христиан черкови епи­скопларининг маълум диний масалаларни ҳал қилиш мақсадида ўтказиладиган йиғилиши. Илк собор милодий 325 йилда Никея шаҳрида бўлиб ўтган. Ҳозиргача 21 мар­та Бутунжаҳон соборлари ўтказилган.
ВАЖРАЯНА – «олмос ғилдирак», илк буддавийликнинг дҳармалар табиати ҳақидаги турли қарашлари натижасида юзага келган йўналиш.
ВАЙШЛАР – ҳинд каста тизимида савдогар, ҳунарманд ва деҳқонлар.
ВАРАНА – Тридандиналарнинг маркази бўлиб, унда тарки­дунёчиликда ҳаёт кечирадилар.
ВАҲИЙНОМА – рус ва бошқа тилларда Апокалипсис. «Янги Аҳд»нинг таркибий қисми бўлиб, уни «Инжил» муаллифларидан бири Иоанн илоҳий илҳом орқали ёзган, деб эътиқод қилинади. Ушбу китобда қиёмат ва Исонинг иккинчи қайтиши билан боғлиқ ҳодисалар баён қилинган.
ВЕДАЛАР – орийлар ўзлари билан олиб келган муқаддас ёзувлари, санскрит тилидан таржима қилинганда «муқаддас, илоҳий билим» маъноларини англатувчи Ҳиндистоннинг асосий муқаддас манбаи.