Муратов Д., Алимова М., Каримов Ж., Нажмиддинов Ж., Жўраев Ш. Диншунослик ўзбекистон республикаси

КАУТХУМА (KAUTHUMA) – Сама Веданинг ҳозирги кунгача етиб келган таҳрири. Каутхума тўплами 1810 шеърдан иборат бўлиб, ундан фақатгина 76 таси Ригве­дада учрамайди, шеърлар, асосан, Ригведанинг VIII ва IX мандаласидан олинган бўлиб, улар тантанали қурбонлик маросимида роҳиблар томонидан ўқилади.
ҚИЁМАТ – (арабча, «тик туриш», «ўриндан туриш») ўликларнинг қайта тирилиши ва ўрнидан туриши.
КИРОМУН КОТИБУН – исломда ҳар бир инсоннинг ҳаёти давомида бажарган ҳар бир амал ва сўзларини ёзиб бора­диган фаришталар.
КИРХА (немисча, «черков») – лютеран черковларининг номи.
КОСТЕЛ (полякча, чехча, «черков») – Рим католик черко­вига қарашли ибодатхоналарга нисбатан ишлатиладиган атама. Ушбу атама православ ёки протестант черковлари­га нисбатан қўлланилмайди.
КРИШНА – «қора» маъносини англатади, ўзининг табиий келиб чиқишига кўра жуда мураккаб образ. У ҳақда олов, чақмоқ, момақалдироқ, осмон, қуёш билан боғлиқ афсо­налар мавжуд. Кришна жанговар, енгилмас қаҳрамон си­фатида таърифланади. У урушда ҳам, севгида ҳам енгил­мас баҳодир, аммо жуда айёр табиатга эга.
ҚУДСИЙ ҲАДИС – Маъноси Аллоҳ таолодан бўлиб, айти­лиши, яъни лафзи Расулуллоҳ (а.с.)дан бўлган ҳадислар.
КУНЕЛ (кунелем сизе) – Кўнгил сезиши қобилияти, интуи­ция бўлиб, тангричилик эътиқодига кўра, у Тангри томо­нидан инсонга жон киритилаётганда берилган.
ҚУРЪОНИ КАРИМ – Ислом динининг бирламчи муқаддас манбаси бўлиб, 23 йил мобайнида Муҳаммад пайғамбар (а.с.)га Жаброил фаришта (а.с.) орқали баъзан оят–оят, баъзан эса тўлиқ сура тарзида нозил қилинган илоҳий ки­тоб.
КУТ – Қувват, куч, энергия манбаи. Тангричилик эътиқодига кўра, у инсоннинг моддий тириклиги сабабидир.
КУШТИ – зардуштийликка эътиқод қилувчи шахс диний маросимларда тақиши лозим бўлган махсус камар.
КШАТРИЙ – ҳинд каста тизимида ҳоким ва жангчилар табақаси.
ЛУҚО (Лука) – «Янгши Аҳд» таркибига кирувчи тўрт Ин­жил муаллифларидан бири. Христианлик тарихида Биби Марямнинг суратини чизган биринчи инсон сифатида та­нилган. Исо Масиҳнинг 70 ҳаворийлари қаторига киради.