Murakkab sharoitlarda neft va gaz quduqlarini qazish

Uch ko’rakli burg’u - maxsus korpusdan iborat bo‘lib, uning ustki qismida burg’ilash quvurlari birikmasiga ulashga mo‘ljallangan qulf rezbali nippellari mavjud.

Undan tashqari bir-biridan 1200 burchak ostida joylashgan burg’uning uchta ko’ragi uning korpusiga payvandlangan.

Yuvish eritmalarini quduq tubiga uzatilishi burg’u ko’raklari orlig‘ida joylashgan teshiklar orqali amalga oshiriladi. Odatda, ko’raklar burg’uning o‘q tomoniga qiyshaygan bo‘ladi. Shuning uchun jins yemirish prinsipiga qarab uch ko’rakli burg’u kesib-parchalovchi turga kiradi. Chunki bu burg’ular beriladigan yuk ostida tog‘ jinslarini kesadi, aylanma moment ta’sirida esa jinslarni maydalaydi.

Burg’u ko’raklarining yeyilish barqarorligini oshirish uchun ular qattiq qotishmalar bilan armirlanadi. Bunday qattiq qotishmalar burg’u ko’raklarining butun maydoni bo‘yicha bir qatlam, qirralarida esa uch qatlam qilib qoplanadi.

Burg’u ishlab chiqaruvchi davlatlarning standartlari bo‘yicha diametri 0,1206 dan 0,4899 m gacha bo‘lgan uch ko’rakli burg’ular tayyorlanadi. Burg’u ko’raklarining qalinligi 0,8-0,10 m dan oshmasligi kerak.

Uch ko’rakli bir dona burg’u bilan kam abrazivli tog‘ jinslarida bir necha yuz metrgacha burg’ilash mumkin. Shuningdek uch ko’rakli burg’ular quduqni 100-120 m/s tezlikdagi eritma harakati bilan yuvish xususiyatiga ega. Uch ko’rakli burg’ularning asosiy kamchiliklaridan biri tog‘ jinslarini burg’ilashda ko’raklarning tez harakati natijasida kichik muddatda ishdan chiqishi hisoblanadi.