Murakkab sharoitlarda neft va gaz quduqlarini qazish

Ikki ko’rakli burg’ular – o‘rtacha qattiqlikdagi tog‘ jinslarini burg’ilashda qo‘llaniladi. Burg’u asosi ikkita sanchqiga ajratilgan dumaloq ustundan tashkil topgan. Gorizontal yuzasida ikki ko’rakli burg’uning o‘qi siljigan bo‘lib, quduqlar diametrini kengaytirishga imkon beradi.

Qo‘sh ko’rakli burg’ular – yumshoq tog‘ jinslarini burg’ilashga mo‘ljallangan. Uning ishchi qirralari kukunsimon qattiq qotishmalar bilan armirlangan. Burg’uning gilli slanetslarni qazib kirish qobiliyati 300 metrgacha yetadi.

Ko’raksimonli burg’ular – o‘rtacha qattiqlikdagi tog‘ jinslarini bo‘rg‘ilashga mo‘ljallangan. Burg’uning kesuvchi qismi ko’rak shaklida yasalgan. Burg’ilash quvurlarining og‘irligi ta’sirida ko’rak tog‘ jinsiga botadi va o‘z o‘qi atrofida aylanib uni kesadi. Keyin korpusining burilishi natijasida tog‘ jinslaridan mayda zarrachalar ajraladi.

Koronkali burg’ular - tog‘ jinslari namunani yaxlit olish talab qilingan hollarda qo‘llaniladi. Koronkali burg’u burg’ilash kallagi, burg‘ilanadigan kern, korpus, burg’ilash quvurlari birikmasi va namuna olgichdan tashkil topadi. Koronkali burg’u bilan burg’ilashda quduq tubi halqasimon shaklga keladi.