Murakkab sharoitlarda neft va gaz quduqlarini qazish

3.2. Tushirish va ko‘tarish operatsiyasini mexanizatsiyalash va avtomatlashtirish

Tushirish-ko‘tarishning asosiy vazifasi burg’ilash qurilmalarini hozirgi kun talabiga javob beradigan mexanizatsiya vositalari bilan jihozlashdan iborat. Hozir optimal tartibda tushirish va ko‘tarishning ayrim operatsiyalarini mexanizatsiyalash va avtomatlashtirish uchun avtomatik tushirish va ko‘tarish (ATK) qurilmasi yaratilgan.

Bu qurilma chuqurligi 3000-4000 metrgacha bo‘lgan quduqlarni burg’ilashda tushirish va ko‘tarish operatsiyasini mexanizatsiyalashga mo‘ljallangan.ATK qurilmasining kompleks mexanizmlari tushirish va ko‘tarish jarayonida quyidagilarni ta’minlaydi:

a) burg’ilash quvurlar birikmasi va yuklanmagan elevatorlarni tushirish-

b) svechaning qulfli ulangan joyini burab ochish va berkitishni mexanizatsiyalash;

v) tutishni avtomatlashtirish va burg’ilash quvurlari birikmasini elevator yordamida bo‘shatish;

g) svechalarni taglikka o‘rnatishni mexanizatsiyalash va ularni quduq markaziga olib chiqish;

d) qulfli ulangan svecha rezbasini moylash jarayonini mexanizatsiyalash.

Bunday qo‘shma operatsiyalarni bajarish jarayonida svechalarni o‘rnatish uchun maxsus tal sistemasi va mexanizmlar qo‘llaniladi. Bunday mexanizmlarning mavjudligi uchun chig‘ir nafaqat burg’ilash quvurlari birikmasini ko‘taradi va tushiradi, bundan tashqari bo‘sh elevator va svechalarni burab ochishning hamma operatsiyalarini Mexanik ravishda bajariladi. Bu esa tushirish-ko‘tarishga sarflanadigan vaqtni ancha qisqartiradi