Murakkab sharoitlarda neft va gaz quduqlarini qazish

Neftning qatlamdagi tavsifi – neft qovushqoqligi, gaz bilan tuyinish bosimi va hajm koeffitsientlaridan iborat.

Neft (gaz) uyumi - suyuqlik o‘tkazmaydigan qatlamlar yoki qopqoqlar tagida jins kollektorlaridagi tutqichlarda neft va gazning tabiiy ravishda to‘planishi. Neft uyumi uglevodorodlar tarkibiga ko`ra: 1) neftli (neftda erigan gaz bilan); 2) neft – gazli-gaz qopqoqli neft uyumi; 3) gazli; 4) gaz kondensatli ( ikki fazali va bir fazali) turlarga bo‘linadi.

Ob’ektlarni izlov burg‘ilashga tayyorlash – neft va gaz ob’ektlarining izlov bosqichlaridan biri bo‘lib, unda neft va gaz tutkichlarining geologik tuzilishi mukammal o‘rganiladi. Natijada ular tayyorlangan strukturalar fondiga kiritiladi va izlov burg‘ilashni bajaruvchi korxonalar ixtiyoriga o‘tkaziladi. Izlov ishlarining asosiy vazifasiga: aniqlangan istiqbolli tutkichlar tuzilishini mufassal o‘rganish va u asosida taxmin qilingan neft va gaz uyumlarining fazoviy holatini bashorat qilish; izlov quduqlari qaziladigan qulay joylarni tanlash; S₃ ­­­­­­­­­­­­toifadagi istiqbolli resurslar miqdorini baholash.

Preventor -quduqning germetikligini ta’minlovchi va undan suyuqlik yoki gazning otilib chiqishini oldini oluvchi quduq og‘ziga o‘rnatiladigan maxsus moslama.