Murakkab sharoitlarda neft va gaz quduqlarini qazish

Turboburlar bilan bog‘liq halokatlarni bartaraf qilish. Rezbasi uzilgan turboburlardagi halokatlar korpusning uzilgan rezbasiga buraladigan kalibr yoki valning yuqori teshigi ichiga kiritiladigan metchiklar bilan bartaraf qilinadi.

Turbinali burg‘ilashda burg‘ining ponalanishi katta qiyinchiliklarga olib keladi. Bunday hollarda rotor yordamida burg‘ilash quvurlar birikmasini aylantirib burg‘ini bo‘shatish man qilinadi. Chunki burg‘ini aylantirish yo‘li bilan bo‘shatishda turbobur korpusidagi turbobur vali ponalanadi. Shuning uchun quvurlarga mayda metall predmetlar tashlanadi. Burg‘ilash eritmalarini haydashda va burg‘ilash hamda quvurlar birikmasini rotor bilan sekin-asta aylantirganda metall predmetlar turbina yuqori pog‘onasining yuqori kuragi orasiga tushib, parraklarni buzadi. Ular o‘z navbatida keyingi pog‘onaga tushadi va stator va rotorni ponalaydi. Turbobur korpusi ponalangan hollarda burg‘i burg‘ilash quvurlari birikmasini aylantirib, rotorli burg‘ilashdagi kabi bo‘shatiladi.