Murakkab sharoitlarda neft va gaz quduqlarini qazish

Manjetli sementlash. Odatda quduq tanasini sementlashda kam debitli qatlamlarning sementlanib qolishi natijasida quduqlarning ish unumdorligi keskin pasayishi mumkin. Shuning uchun quduqdagi neft va gaz qatlamlari atrofida ishlatish quvurlari birikmasining pastki qismiga filtr quvur tashkil qilinadi hamda manjetli sementlash amalga oshiriladi.

Sement eritmasi quduqni tashqi muhitiga filtrni ustida joylashtirilgan mustahkamlovchi quvurlar birikmasining yon teshigi orqali kiradi. Mustahkamlovchi birikma ichidagi yon teshikning pastki qismiga to‘g‘ri to‘sqich o‘rnatilgan. U yuqoriga qarab ochiladi va suyuqlikni faqat pastdan yuqoriga qarab o‘tkazadi. Quvurning tashqi qismiga esa o‘pqonsimon manjet o‘rnatilgan. Manjetning asosiy maqsadi sement eritmasining pastga qarab harakatini to‘sishdan iborat.

Manjet o‘pqonsimon shaklda bo‘lib brezent yoki teridan tayyorlanadi. Balandligi 60-70 sm gacha. Manjetning yuqori diametri quduq diametridan ancha katta bo‘ladi.

7.4-rasm. Ajratuvchi tiqinlar bilan xvostoviklarni sementlash sxemasi a-sement eritmalarini xaydash; b-tiqinning yuqorigi tarang qismini pastki qismiga o‘rnatilishi; v-mustahkamlovchi quvurlar birikmasi bo‘yicha sement eritmalarini chiqarish. 1-burg‘ilash quvurlari; 2-maxsus mufta; 3-ajratuvchi tiqinning yuqorigi tarang qismi; 4- chap o‘tkazgich; 5-maxsus mufta; 6-patrubok; 7-shpilka; 8- ajratuvchi tiqinning pastki qismi; 9-mustahkamlovchi quvurlar birikmasi.	7.5-rasm. Sementlovchi fonar. 1-kichik uyasining to‘sqichi; 2-richag; 3-shar; 4-kvadratli rezba; 5-uya; 6-halqa; 7-rezba; 8-korpusdagi teshiklar; 9, 10, 13, 14-shlips; 11-ichki shlips; 15-pastki shlips; 18-zichlagichi

Hozir manjet bilan sementlash usuli ishlatilmaydi. Uning o‘rniga paker bilan sementlash qo‘llaniladi. Quduqning mahsuldor qatlam joylashgan qismini sementlamasdan qoldirish uchun quvurlar birikmasiga paker o‘rnatiladi. Paker mahsuldor qatlam tepasiga joylashtiriladi, quvurlar bilan quduq devori orasi pakerlanib bo‘lgandan so‘ng quvur ichiga shar yoki tiqin yuborib to‘g‘ri teshik berkitiladi va sement qorishmasi haydaladi. Qorishma paker yuqorisidagi teshikdan chiqib quvur orqasiga ko‘tariladi. Pakerdan pastki oraliq sementlanmay ochiq qoladi. Quvurlardagi teshiklar (filtr) orqali qatlamdan neft va gaz quduqqa kirib keladi.