Murakkab sharoitlarda neft va gaz quduqlarini qazish

2.1.Burg’ilash minoralari

Quduqni burg’ilash jarayoni burg’ilash quvurlari birikmasini, mustahkamlovchi quvurlarni va asbob-uskunalarni quduqqa tushirish-ko‘tarish hamda ularni og‘irligi bo‘yicha tutib turish kabi ishlar bilan kuzatiladi.

Foydalaniladigan asbob-uskunalarning og‘irligi bir necha o‘n tonnalarni tashkil etadi. Po‘lat arqonlarga tushadigan yukni kamaytirish va dvigatel quvvatini pasaytirish uchun ko‘tarish (minora, chig‘ir, tal sistemasi, kronblok, osma arqon, ilgak va shtrop) qurilmalaridan foydalaniladi. 3.1-rasmda burg’ilash jihozlarini tushirish va ko‘tarish qurilmasi tasvirlangan.

a) Burg’ilash minoralari: Burg’ilash minoralari mustahkam metall quvurlardan va profilli metall prokatlardan tayyorlanadi. Hozir ularning ikki turi ishlatilmoqda: 1) to‘rt oyoqli kesik piramida shakl (bashen)li;

2) A-shaklli (machtali).

Burg’ilash minoralarining asosiy vazifalari:

1) quduqqa burg’ilash quvurlarini, tub dvigateli, burg’u va boshqa asbob-uskunalarni tushirish va ko‘tarish, ularni ko‘tarib, bir holatda ushlab turish;

2) burg’ilash quvurlarini o‘z ichida tik holda saqlash;

3) mustahkamlovchi quvurlarni quduqqa tushirish;

4) burg’ilash jarayonida zarur bo‘lgan buyum va jihozlarni joylashtirish, ko‘tarib tushirish.

Burg’ilash minoralarining turlari va konstruksiyasi minora ko‘taradigan yukning og‘irligiga qarab har xil bo‘ladi. Burg’ilash uskunasi komplektiga kirgan minoralar A-shaklda bo‘ladi. Agar zavoddan burg’ilash uskunasi komplekt holda olinmasdan, alohida qismlari olinadigan bo‘lsa, unda to‘rt oyoqli minoralar ishlatiladi. Burg’ilash minorasi konstruksiyasi quyidagi asosiy talablarga javob berishi lozim: A-shaklda machtali burg’ilash minorasi ko’rinishi