Мундарижа кириш

ФАНИДАН ТАЙЁРЛАНГАН

1. 
   МАЪРУЗА
   

Термиз-2020


1 Мавзу. Кириш.“Ўзбекистоннинг энг янги тарихи” ўқув фанининг предмети, мақсади ва вазифалари
РЕЖА:


1. “Ўзбекистоннинг энг янги тарихи” фанини даврлаштириш масаласи. “Ўзбекистоннинг энг янги тарихи” ўқув фанининг предмети, мақсад ва вазифалари.
2. Ўзбекистоннинг энг янги тарихи фанни ўрганишнинг назарий-услубий асослари. Юксак интеллектуал салоҳиятли, маънавий баркамол авлодни тарбиялаш, комил инсонни вояга етказишда мамлакат энг янги тарихининг тутган ўрни.
3. Ўзбекистон Республикаси Президенти Ш.М.Мирзиёевнинг маънавий етук шахсни тарбиялашда тарихий хотиранинг ўрни ва сабоқлари тўғрисидаги фикрлари. XXI глобаллашув асрида таълим соҳасида мазкур фанни ўқитишдаги назарий-концептуал ёндашув ва илғор инновациялар

Таянч сўз ва иборалар.
Ўзбекистон, предмет, объект, методологик, холислик, манба, инсонпарварлик, ватанпарварлик, миллий истиқлол ғояси, тамойил, миллий, қадриятлар, анъана, урф-одат, диний эътиқод, Ватан, моддий ва ёзма манба, цивилизация, Юксак интеллектуал салоҳиятли, маънавий баркамол авлодни тарбиялаш, комил инсонни вояга етказиш.

1. “Ўзбекистоннинг энг янги тарихи” фанини даврлаштириш масаласи. “Ўзбекистоннинг энг янги тарихи” ўқув фанининг предмети, мақсад ва вазифалари.
Ўзбекистоннинг энг янги тарихи фанининг предмети ва долзарб муаммолари тўғрисида тўхталиб ўтадиган бўлсак, тарих фани дунё халқлари қандай яшаганлиги, уларнинг ҳаётида қандай воқеалар содир бўлганлиги, қандай ва не сабабдан ўзгариб борганини, Ўзбекистоннинг энг янги тарихи эса жаҳон тарихи ва унинг ажралмас бир қисми сифатида она заминимизда яшаган халқлар ҳаёти ва унда ривожланиш давомида содир бўлган ўзгаришлар, воқеа­ҳодисалар, аҳоли турмуш тарзи, иқтисодий, ижтимоий муносабатлари, давлатчилиги, маданиятини ҳар томонлама ўрганадиган фандир.
Кейинги икки йил давомида мамлакатимизда мухтарам Президентимиз Шавкат Мирзиёев рахбарлигида Ўзбекистон тараққиётини янги босқичга кўтариш бўйича амалга оширилаётган кенг кўламли ислохотлар туфайли барча жабҳада туб ўзгаришлар рўй бермоқда, халқимизнинг дунёқараши, онгу тафаккури юксалмоқда. Жамиятимизда янгича қадрият ва анъаналар шаклланмоқда.