Mundarija: kirish I bob. Rim davlatining tashkil etilishi va u haqida manbalar

Bitiruv malakaviy ishini o’rganilishi darajasi. Bugungi kunga qadar Rim davlatining tashkil etilishi boshqaruvi, dini madaniyati haqida uning taraqqiyotiga xissa qo’shgan buyuk sarkardalar hayoti ular o’tkizgan islohotlar tadqiqotchi olimlar tomonidan o’rganilgan. Qadimgi Rim tarixi bo’yicha muhim ma’lumotlar yunon mualliflari: Plutarx, Arrian (II asr), Dion Kassiy (III asr )asarlarida mavjud. Bundan tashqari, tarixiy voqealarni borishini tiklash uchun Askoniy Pidian, Lutsiy Anney Flor, Evtropiy³ kabi imperiya davri yozuvchilarining yirik asarlari, xronologiyalar va obzorlarni ko’rsatish mumkin.
Bitiruv malakaviy ishining maqsad va vazifalari. Bitiruv malakaviy ishining mqasadi buyuk sarkardalarning Rim tarixida tutgan o’rni, Rimning rivojlanishiga qo’shgan xissalari, ularni har birini faoliyatini ilmiy jihatdan o’rganish va tegishli xulosalar chiqarishdan iborat.
Ko’zlangan ushbu umumiy maqsaddan kelib chiqib, tadqiqotda quyidagi vazifalar belgilandi:
– Rim tarixiga oid moddiy madaniyat yodgorliklari , yozma manbalarni o’rganish;
– Rim- Karfagen urushlarining o’ziga xos xususiyatlarini tahlil qilish;
– Yuliy Sezarning harbiy sihada amalga oshirgan islohotlarini o’rganish;
– Oktavian Avgustning davlat boshqaruv apparatini tartibga solish bilan birga Rim jamiyati va oilasini mustahkamlagan qonunlarini o’rganish va tahlil qilish.
Bitiruv malakaviy ishining manbaviy asoslari. Mazkur ishni yozishda Namangan Davlat universiteti Axborot resurs markazida saqlanayotgan O’zbekiston Milliy Ensiklopediyasi, qadimgi dunyo tarixiga bag’ishlangan asarlar, gazeta va jurnallar, turli hajmdagi ilmiy to’plamla - bitiruv malakaviy ishi uchun asosiy manba bo’lib xizmat qildi. Shuningdek, bitiruv malakaviy ishini yozishda internet ma’lumotlaridan ham keng foydalanildi.
Bitiruv malakaviy ishining obyekti va predmeti. Rim imperiyasining siyosiy jarayonlari bitiruv malakaviy ishining obyekti, Gay Mariy, pompey Gney, Yuliy Sezar,Oktavian Avgust, Trayan kabi sarkardalarning Rimning rivojlanishi va taraqqiyotida tutgan o’rni bitiruv malakaviy ishining predmetini tashkil etadi.