S=(So+Sm+Szp+Sem+Pp+Pz+Sr) x KR, bunda:
So - asbob-uskunalarga, mebel va inventarga xarajatlar;
Sm - qurilish materiallari, buyumlar va konstruksiyalarga xarajatlar;
Szp - ijtimoiy sug‘urtaga ajratmalar hisobga olingan holda asosiy ish haqiga xarajatlar;
Sem - mashina va mexanizmlardan foydalanish xarajatlari;
Pp - boshqa xarajatlar va pudratchining xarajatlari;
Pz - boshqa xarajatlar va buyurtmachining xarajatlari;
Sr - obyektlar qurilishini sug‘urta qilish xarajatlari;
Kr - navbatdagi yilda qurilishda narx o‘sishining prognozlashtirilayotgan indeksidan kelib chiqib aniqlanadigan tavakkalchilik koeffitsienti.
Asbob-uskunalar, mebel va inventarga xarajatlar transrort xarajatlarini hisobga olgan holda ishlab chiqaruvchi korxonalar (etkazib beruvchilar)ning narxlari qo‘llanilgan holda spesifikatsiyalar asosida yoki narxlar monitoringi asosida shakllantiriladigan ma’lumotlar banki bo‘yicha aniqlanadi.
Qurilish materiallari, buyumlar va konstruksiyalarga xarajatlar mazkur mintaqada shakllangan birlikka o‘rtacha narxlar qo‘llanilgan holda tender hujjatlari tarkibida ishlab chiqiladigan Yig‘ma resurs hisob-kitobiga muvofiq amaldagi ko‘rsatkichlar asosida quyidagi formula bo‘yicha aniqlanadi:11
Sm=Sm1+Sm2+Sm3+...+ Smn, bunda:
Sm1, Sm2, Sm3, Smn - qurilish materiallari va konstruksiyalarning ayrim turlari qiymati:
Cmr = N x Ssr, bunda:
N - obyekt qurilishi uchun talab qilinadigan qurilish materiali (buyum, konstruksiya)ning alohida turi miqdori;
Ssr - qurilish materiali (buyum, konstruksiya) birligiga o‘rtacha narx.
Har xil qurilish materiallari (buyumlar, konstruksiyalar)ning o‘rtacha qiymati tayyorlovchi zavodlarning ulgurji sotish narxlari, qurilish materiallari birjalari va yarmarkalaridagi narxlar, "Davarxitektqurilish" qo‘mitasi tomonidan chiqariladigan kataloglar, "Davarxitektqurilish" qo‘mitasining narx belgilash bo‘yicha mintaqaviy markazlari ma’lumotlari asosida aniqlanadi.
Qonun hujjatlari normalariga muvofiq belgilangan qurilish materiallari (buyumlar, konstruksiyalar) narxlari tayyorlovchi zavodlarning ulgurji narxlarini, idishlarga xarajatlarni, transrort xarajatlarini, ta’minot-sotish tashkilotlarining ustama narxlarini o‘z ichiga oladi.
Transrort xarajatlarini "Davarxitektqurilish" qo‘mitasi tomonidan ishlab chiqilgan Yuklarni qurilish uchun tashishga hisob-kitob joriy narxlarini aniqlash bo‘yicha metodik tavsiyalar asosida hisoblab chiqish tavsiya qilinadi.
Ish haqi xarajatlari obyektning normativ mehnat sarfini bir kishi-soatning joriy qiymatiga (so‘mlarda) va ijtimoiy sug‘urtaga ajratmalar miqdorini hisobga oluvchi koeffitsientga ko‘paytirish yo‘li bilan quyidagi formula bo‘yicha aniqlanadi:12
Do'stlaringiz bilan baham: |