Mundarija: kirish I bob mahalliy byudjetning iqtisodiy-nazariy asoslari va byudjet tizimida tutgan o`rni

MUNDARIJA:
KIRISH
I BOB MAHALLIY BYUDJETNING IQTISODIY-NAZARIY ASOSLARI VA BYUDJET TIZIMIDA TUTGAN O`RNI.

1. 
   Mahalliy byudjetning iqtisodiy mohiyati.
   

1.2. Hududlar ijtimoiy-iqtisodiy rivojlanishida mahalliy byudjetlarning tutgan o`rni va ahamiyati.
1.3. Mahalliy byudjetni boshqarishning me’yoriy-huquqiy asoslari.
II BOB O‘ZBEKISTON RESPUBLIKASIDA MAHALLIY BYUDJETLARNI BOSHQARISHNI TAKOMILLASHTRISH YO’LLARI.
2.1. Mahalliy byudjet daromadlarini oshirish va xarajatlarini muvofiqlashtirishning asosiy mexanizmlari.
2.2. Mahalliy byudjetlarni samarali boshqarishni yaxshilash yo‘llari.
III BOB. BUXORO VILOYATI MAHALLIY BYUDJETINING HOZIRGI HOLATI TAHLILI .
3.1. Buxoro viloyati mahalliy byudjetining asosiy ko‘rsatkichlari dinamikasi.
3.2. Mahalliy byudjet daromadlari va xarajatlari shakllanishining tahlili(Buxoro viloyati misolida).
Xulosa va takliflar.
Foydalanilgan adabiyotlar ro’yxati.
Ilovalar.


KIRISH
Mavzuning dolzarbligi. Mahalliy byudjetlar O’zbekiston Respublikasi davlat byudjetida muhim tarkibiy qismni tashkil etadi va mahalliy hokimiyatlarning faoliyat ko’rsatishlarida moliyaviy manba bo’lib hisoblanadi. Byudjet jarayonlarida mahalliy byudjetlarning ishtiroki, mahalliy boshqaruv organlari faoliyati, moliya va byudjet siyosati masalalari, hududiy iqtisodiyot taraqqiyoti hamda mahalliy byudjetlar xarajatlarini moliyalashtirishni hal etish dolzarb masalalardir. O‘zbekistonda byudjet tizimini samarali boshqarish, byudjetda turli darajadagi mahalliy byudjet daromadlari va xarajatlarini muvofiqlashtirish hozirgi sharoitda respublika va uning hududlarini rivojlantirishda muhim ahamiyat kasb etadi. “Inqiroz avjga chiqqan davrda davlatlarning iqtisodiyotga keng miqyosda aralashuvi birinchi navbatda bank-moliya tizimi likvidligini qo‘llabquvvatlashga, iqtisodiyotning real sektori tarmoqlariga, ishlab chiqarishga, kichik biznes va tadbirkorlik sohalariga kam e’tibor berilgani vaziyatga salbiy ta’sir o‘tkazishi mumkin¹”.Bunday sharoitda mahalliy budjetlar o‘rtasida budjet munosabatlarini boshqarish va budjetlararo munosabatlarni takomillashtirish bilan bog‘liq bo‘lgan masalalarni hal qilish dolzarb hisoblanadi.
Hozirgi sharoitda mahalliy hokimiyat va boshqaruv organlarining moliyaviy faoliyati, byudjet jarayonini boshqarish bilan bog‘liq bo‘lgan masalalarni hal qilishga yo‘naltirilgan ilmiy ishlar dolzarb hisoblanadi. Shu maqsadda bitiruv malakaviy ishimizga “mahalliy byudjet moliyaviy mexanizmi va boshqaruvini takomillashtirish yo’nalishlari ” mavzusi tanlandi.