Mundarija: kirish I bob. Davlat byudjeti daromadlarining iqtisodiy mohiyati va nazariy-xuquqiy asoslari

1.3. Xorijiy mamlakatlarda davlat byudjeti daromadlarini nazariy asoslari

Xorijiy mamlakatlarda davlat byudjeti daromadlarini shakllanishini ko’radigan bo’lsak, rivojlangan mamlakatlarda ham asosan, davlat byudjeti daromadlarining salmoqli hissasini soliqlar tashkil qilishini ko’rishimiz mumkin.

Jahon soliq amaliyotining tajribalarini o’rganish natijalari shuni ko’rsatadiki, rivojlangan xorijiy davlatlarda, birinchi navbatda, «kuchli ettilik» deb atalmish mamlakatlarda davlat byudjeti daromadlarining 70-90 foizdan ortiq qismi soliq tushumlaridan iboratdir.

Ma’lumki, rivojlangan mamlakatlar ichida iqtisodiy salohiyati jihatidan birinchi o’rinni AQSh egallaydi. AQSh yalpi ichki mahsulotining miqdori 15 trln. AQSh dollarini tashkil qiladi. Iqtisodiy salohiyati jihatidan ikkinchi o’rinni Evropa Ittifoqiga a’zo bo’lgan mamlakatlar guruhi egallaydi. Ularning yalpi ichki mahsuloti 12,5 trln. AQSh dollarini tashkil qiladi.

AQShda davlat byudjeti daromadlarining 70 foizdan ortiq qismini soliqlar tashkil qiladi. Shunisi xarakterliki, soliq tushumlari ichida aholidan olinadigan daromad solig’i asosiy o’rinni egallaydi. Uning AQSh Federal byudjeti daromadlarining umumiy hajmidagi salmog’i 44 foizga yaqinni tashkil qiladi. Mazkur soliq jismoniy shaxslardan va yuridik shaxs maqomiga ega bo’lmagan individual korxonalardan olinadi. Soliqqa tortishning sub’ekti bo’lib, alohida shaxs yoki oila hisoblanadi.

1.