Мундарижа Кириш дресс-код тушунчаси

Корхона ва ташкилотларда қабул қилинган ишбилармон услуби:
Кийинишдаги ишбилармон услубига қўйилган асосий талаблар
1. Эркак ходимларнинг иш кунларидаги ташқи кўринишларига қўйилган талаблар.
1.1. Эркак ходимлар костюм, кўйлак ва классик услубидаги пойафзалда бўлишлари лозим.
1.2. Ёз кунларида енги калта кўйлак кийишларига рухсат этилади.
1.3. Джинси кийимлар, спорт кийим ва спорт пойафзаллар кийиш қатъиян ман этилади.
1.4. корхона ва ташкилот биносида ходимлар алмаштириб кийишлари учун (айниқса куз-қиш мавсумида), иш услубига хос бўлган қўшимча пойафзалга эга бўлишлари тавсия этилади. Бундай пойафзаллари бўлмаган тақдирда ходимларнинг пойафзаллари тозаланган ҳолда бўлиши шарт.
1.5. Эркак ходимларнинг сочлари тоза, таралган, ўз вақтида калталатилган бўлиши, ҳамда соқоллари олинган бўлиши лозим.
2. Аёл ходимларнинг иш кунларидаги ташқи кўринишларига қўйилган талаблар.
2.1. Аёл ходимлар бизнес услубидаги кийим кийишлари тавсия этилади: буларга костюм-шим, костюм-юбка, кофта-юбка, кофта-шим, ҳамда бизнес услубидаги енгли кўйлаклар киради.
2.1 Джинсидан, шаффоф матодан бўлган кийимлар кийиш, жуда калта кўйлак/юбкалар кийиш, лосина ёки жудаям ёпишиб турадиган шимлар, белнинг тепа қисмини, елка, қоринни очиб турадиган, чуқур деколтелик либослар ҳамда кечки тадбирларга хос бўлган кийимларни кийиш қатъиян ман этилади.
2.3 корхона ва ташкилот биносида ходимлар алмаштириб кийишлари учун (айниқса куз-қиш мавсумида) классик бизнес услубига хос каблукли пойафзалга эга бўлишлари тавсия этилади.
2.4 Соч турмаклари бизнес услубида бўлиб, узун сочлар чиройли турмакларга йиғилган бўлиши лозим.
2.5 Ёрқин рангли бўяниш усуллари ҳам тавсия этилмайди.
Ишбилармон услубга хос бўлмаган кийиниш услуби:
 Таъқиқланган кийим турларига спорт ва пляж услубидаги пойафзаллар, шунингдек, джинси кийимлар, калта шимлар(шорты), очиқ сарафанлар, футболка, теннискалар, спорт кийимлари ва кечки табдирларга хос бўлган либослар киради.
 Ёрқин рангдаги костюм, шим ва галстуклар тақиш таъқиқланади.
 Вақтида парваришланмаган соч-соқолда банк биносида юриш таъқиқланади.
 Ёрқин рангдаги, кўзга ташланадиган макияждан фойдаланиш таъқиқланади.