Mundarija kirish bob. Muammoli ta’limning nazariy asoslari

Ishning umumiy tavsifi
Tanlangan mavzuning dolzarbligi – Boshlang’ich sinflar ona tili ta’limida muammoli ta’limni qo’llash yo’llari haqida aniq bir uslubiy ish yaratilmayapti. Biz muammoli ta’lim va uni boshlang’ich sinflar ona tili darslarida qo’llash yo’llarini izlab topish, ularhi tajribadan o’tkazish orqali o’quvchilar bilish faoliyatini o’stirish yo’llarini amalda ko’rsatib berish davri keldi.
Ishning maqsadi: ona tili darslarida muammoli ta’limning yangi variantlarini yaratish.
Ishning amaliy ahamiyati: Muammoli ta’limni qo’llash natijasida boshlang’ich sinflar o’quvchilar tafakkuri keskin o’sadi.
Ishning vazifalari:
Ishni tayyorlashda o’z oldimizga quyidagi vazifalarni qo’ydik:
1. Muammoli ta’limning nazariy asoslarini organish.
2. Yangi pedagogik texnologiyalarning asosiy xususiyatlarini tahlil qilish.
З. Оnа tili mashg’ulotlarida muammoli ta’limni qo’llash amaliyotini o’rganish va tahlil qilish.
4. Soz turkumlari ustida ishlashda muammoli ta’limni qo’llash tajribalarini o’tkazish va tajriba natijalarini tahlil qilish.
5. Gap bo’laklari ustida ishlashda muammoli ta’limni qo’llash tajriba­larini o’tkazish va tajriba natijalarini tahlil qilish.
6. O’tkazilgan tajribalar va erishilgan natijalar asosida xalq ta’limi sohasiga tegishli xulosa va takliflarni taqdim etish.
Tadqiqot ob ‘yekti va predmeti
Tadqiqot ob’yekti – Andijon shahridagi 5-, 8-, 35- maktablari va Andijon tumanidagi 36-umumta’lim maktabining boshlang’ich sinflari, predmeti – 3-4-sinflarda so’z turkumlari va gap bo’laklari mavzulari ustida ishlash jarayoni.
Mahalliy va chet el adabiyotlarida mavzuning o’rganilganlik darajasi
Mavzu, asosan, rus tili o’qitish metodikasida va O’zbekiston Respublikasidagi oliy o’quv yurtlari, T.Qori Niyoziy nomidagi Respublika pedagogika fanlari ilmiy-tadqiqot instituti, Nizomiy nomidagi Toshkent pedagogika universiteti olimlari tomonidan muayyan darajada o’rganilgan.